სულ ცოტა ხნის წინ, ქართველი მომხმარებლისთვის ხელმისაწვდომი გახდა სანაყინე „ბურატინო“, რომელიც ნაყინის მოყვარულებს საოცარ გემოებსა და ემოციებს სთავაზობს. ტაილანდური შემწვარი ნაყინი – ეს ის პროდუქტია, რომლის დაგემოვნებაც მხოლოდ „ბურატინოშია“ შესაძლებელია. რაც ყველაზე მნიშვნელოვანია, მომხმარებელს აქვს შესაძლებლობა, თავად შექმნას მისთვის სასურველი გემოსა და შემადგენლობის ტკბილეული. „თბილისი თაიმსს“ ინგა ტარყაშვილი და ნათია ჯოხარიძე ესაუბრნენ.
რას სთავაზობს „ბურატინო“ მომხმარებელს?
„ბურატინო“ მომხმარებელს სთავაზობს ტაილანდურ, იგივე შემწვარ ნაყინის როლებს და ბამბის უფაფუკეს ნაყინებს, სხვადასხვა ფორმითა და შეფუთული სახით.
„შემწვარი ნაყინი“ – აღნიშნული როგორ მზადდება?
შემწვარი ნაყინი მზადეება ტაილანდური ტექნოლოგიით, გაყინულ ტაფაზე, პირდაპირ მომხმარებლის თვალწინ, მათივე სურვილის და გემოების გათვალისწინებით – სხვადასხვა დანამატით, როგორიცაა ცოცხალი ხილი, „ნუთელა“, „ორეო“, „ბაუნტი“, „კიტ-კეტი“, „რაფაელო“; ასევე, ქართული ტრადიციული გემოს კომბინაციით: ღვინო და ჩურჩხელა. ეს ყოველივე გამოგვარჩევს სხვა სანაყინეებისგან, რადგან ჩვენთან მომხმარებლის სურვილით ხდება გემოების ბალანსი.
რამდენად მრავალფეროვანია არჩევანი მსურველთათვის?
არჩევანი ნამდვილად მრავალფეროვანი გვაქვს, რადგან ყოველდღიურად მოგვაქვს ცოცხალი ხილი და სხვა ინგრედიენტები, ვქმნით და ვაბალანსებთ ახალ გემოებს
სხვა პროდუქტის დამატებას თუ გეგმავთ?
კი, რა თქმა უნდა, დავამატებთ ახალ გემოებს, ჩვენი საყვარელი მომხარებლის სურვილის გათვალისწინებით. სანაყინე ,,ბურატინო,, სწორედ ამაზეა ორიენტირებული, შევქმნათ და საინტერესოდ დავსვათ ახალი გემოები, რაც გააბედნიერებს ჩვენს ძვირფას მომხმარებლებს.
გაფართოების მხრივ, რა გეგმები გაქვთ?
გეგმები ნამდვილად დიდია. ამ მოკლე დროში იმხელა სიყვარული ვიგრძენით მომხმარებლისგან და მათი მხრიდან ისეთი დიდია მოთხოვნა – გვიხილონ მათთან ძალიან ახლოს, რომ აუცილებლად გავფართოვდებით და შევალთ სხვადასხვა მოლში.
ამ დრომდე, რამდენად წარმატებული აღმოჩნდა თქვენი საქმიანობა?
მიუხედავად ბევრი სირთულისა, ჩვენ დიდი შრომა და სიყვარული ჩავდეთ ამ საქმიანობაში. ჩვენი ბრენდი შექმნისთანავე ისე შეგვიყვარდა და ახლა უკვე ასმაგად ვგრძნობთ ამას სათითაო კმაყოფილ მომხმარებლისგან, რომ ვფიქრობ, ეს დიდი წარმატების დასაწყისია. საზოგადოებისგან ყოველი თბილი შეფასება დიდი წარმატება და ბედნიერებაა.