ბინზესის წარმატებას, მის განვითარებასა და წინსვლას მოტივავია, საქმისგან მეტის მიღების სურვილი და სწორი დაგეგმვა განსაზღვრავს. სამკერვალო „ანაბეჭდი“ ერთერთია იმ წარმატებულ კომპანიებს შორის, რომელთაც საინტერესო, გამოწვევებით აღსავსე ისტორია აქვს. ნაბიჯ-ნაბიჯ, ეტაპობრივად მან მიაღწია იმას, რომ ახალი საწარმოს გახსნა სულ მალე იგეგმება. „ანაბეჭდის“ უფროსი მენეჯერი, გიორგი ბარნაბიშვილი „თბილისი თაიმსს“ კომპანიის ისტორიის შესახებ უყვება.
“ანაბეჭდის” პირველადი საქმიანობა არც ისე შორს იყო მიმდინარესგან – ეს გახლდათ სარეკლამო ბიზნესი. ამ სფეროში მიღებული გამოცდილებიდან გამომდინარე, კომპანიის დამფუძნებლებმა გადაწყვიტეს, გაეკეთებინათ სამკერვალო ფაბრიკა, რადგან მომხმარებლების მხრიდან სისტემურად იყო მოთხოვნა უნიფორმების, სპეცტანსაცმლის, ბრენდირებული ტანისამოსის მიმართულებით. გაითვალისწინეს მათი მოთხოვნა და გახსნეს, რა თქმა უნდა, მცირე მასშტაბის, მაგრამ დიდ პერსპექტივებზე გათვლილი სამკერვალო ფაბრიკა. დაახლოებით, 10 ადამიანისგან შედგებოდა. 2013 წელს დარეგისტრირდა კომპანია ოფიციალურად და მომდევნო წლიდან უკვე აქტიურად გავიდა ბაზარზე.
როგორც გიორგი ბარნაბიშვილი ამბობს, 2018 წელს „ანაბეჭდი“ გახდა “აწარმოე საქართველოში”-ს ბენეციფიარი.
ძირითადი გარდამტეხი ცვლილება მომდევნო წლებში გულისხმობდა მხოლოდ და მხოლოდ თანამშრომლების რაოდენობის ზრდას, კვალიფიკაციის ამაღლებას, მომხმარებელთა რაოდენობის ზრდას და გამოცდილების შეძენას. 2018 წელს კომპანია გახდა “აწარმოე საქართველოში”-ს ბენეციფიარი. მან მოახდინა სესხის სუბსიდირება 600 000 ლარის ოდენობით, რის საშუალებითაც კომპანიან, ასე ვთქვათ, გადაიარაღება მოახდინა – შემოვიტანეთ ისეთი დანადგარები, რომლებიც ხარისხს კიდევ უფრო ზრდიდა.
ბაზარზე ავიმაღლეთ იმიჯი და ნდობაც მოვიპოვეთ. უკვე შემდეგი, ყველაზე საინტერესო სიახლე იყო 2021 წლის ბოლოს, როდესაც ჩვენ ხელმეორედ გავხდით “აწარმოე საქართველოში”-ს ბენეფიციარები, ამჟამად – 10-ჯერ უფრო მეტი მოცულობის სესხის ფარგლებში. 2018 წლიდან 2021 წლამდე შუალედში მიღებული გამოცდილებიდან, ევროპული წარმოშობის საერთაშორისო ბრენდებზე დაყრდნობით – რომლებმაც ჩვენთან ხელშეკრულებების გაფორმება ისურვეს – გადავწყვიტეთ, გაგვეხსნა ახალი ფაბრიკა. 2021 წელს – მანამ, სანამ ჩვენ “აწარმოე საქართველოში”-ს ბენეფიციარები გავხდებოდით, საკუთარი კაპიტალით დავიწყეთ უძრავი ქონების შეძენა.
სამკერვალო „ანაბეჭდი“ ახალ საწარმოს სამტრედიაში სულ მალე გახსნის. როგორც გიორგი ამბობს, შედეგად, კიდევ 500 ადამიანი დასაქმდება.
გათვლა არის 700 ახალ კადრზე, ანუ – 500 ახალ დასაქმებულზე. მასშტაბები არის საკმაოდ დიდი. ძირითადი გათვლა სამტრედიის საწარმოსი არის საექსპორტო ბაზარი.
ეს ბიზნესი არის 100 %-ით ქართული კაპიტალისგან შექმნილი.
გიორგი ბარნაბიშვილის თქმით, კომპანიის უახლოეს გეგმებში ჯერ დიდ ქალაქებში მაღაზიების, შემდეგ კი ბრენდის შექმნა შედის. გარდა ამისა, მისივე თქმით, თბილისში არსებული საწარმო ადგილობრივ მოთხოვნილებებს დააკმაყოფილებს, ხოლო სამტრედიაში საერთაშორისო ინტერესები იქნება გათვალისწინებული.
