პოლონური მედიის ცნობით, ქალაქ პოზნანთან ავტოსაგზაო შემთხვევას საქართველოს სამი მოქალაქე ემსხვერპლა.
არსებული ინფორმაციით, მიკროავტობუსი, რომელშიც 8 ადამიანი იმყოფებოდა, სატვირთო ავტომობილს შეეჯახა.
„გარდაიცვალა 3 ადამიანი, 5 კი დაშავდა. მძღოლი გადარჩა, მის სიცოცხლეს საფრთხე არ ემუქრება“, – აცხადებს სახანძრო სამსახურის პრესმდივანი.
აღსანიშნავია, რომ გარდაცვლილთა ვინაობის შესახებ ოფიციალური ინფორმაცია ჯერ არ გავრცელებულა.
