წინასადღესასწაულო ფუსფუსი დღითი დღე უფრო აქტიური ხდება. ყველა ცდილობს, ერთმანეთი გაახაროს და საჩუქარი მოუმზადოს. ტკბილეული ის დეტალია, რომელიც ასეთ დღეებში განსაკუთრებული დატვირთვისაა. მას ვარჩევთ იმის მიხედვით, თუ რამდენად ფერადი, ჯადოსნური და სადღესასწაულოა.
„ტკბილი ოთახი“ ამ პროცესს საკუთარი ნუგბარით უერთდება. მისი საახალწლო შეთავაზება იმდენად მრავალფეროვანია, რომ შეუძლებელია, ჩვენი სადღესასწაულო სუფრისთვის ყველა მათგანი არ ვისურვოთ.
„ტკბილი ოთახის“ შესახებ „თბილისი თაიმსს“ ელიზა ერგემლიძე ესაუბრა.
ჩვენ საკმაოდ დიდი გამოცდილება გვაქვს საკონდიტრო სფეროში ბოლო ათწლეულის განმავლობაში, კოვიდ პანდემიის პერიოდში მოგვიწია არსებული საკონდიტროების დახურვა, აღნიშნული დაკავშირებული კრიზისი, ისევე – როგორც ყველას, ჩვენც შეგვეხო. „ტკბილი ოთახი“ დიდი ხანია, არსებობს ჩვენი ერთგული მომხმარებლებისთვის, რომლებიც წლების განმავლობაში მიირთმევენ ჩვენს ტკბილეულობას. სოციალურ ქსელში, როგორც „ტკბილი ოთახი“, გამოვჩნდით 2022 წლის ნოემბერში.
ელიზა იმის შესახებ გვიამბობს, თუ რა პროდუქციას სთავაზობს მომხმარებელს ზოგადად და წინასაახალწლოდ. როგორც ის აღნიშნავს, ამ ეტაპზე, მხოლოდ სადღესასწაულო ტკბილეულის შექმნით არის დაკავებული.
ამ დროისთვის, ჩვენს მომხმარებლებს ვთავაზობთ პროდუქტს, რომელიც აქტუალურია წლის ამ პერიოდისთვის. პროდუქცია იწარმოება მხოლოდ ნატურალური პროდუქტებისაგან, როგორიცაა კვერცხი, ნატურალური ქართული თაფლი, კარაქი, ქართული ნიგოზი. ასევე, გვაქვს სამარხვო პროდუქცია, რომელიც მზადდება სამარხვო პროდუქტით.
ჩვენი გამოცდილება დაგვეხმარა, ზუსტად გაგვეგო, რა პროდუქტი უნდა შეგვეთავაზებინა მომხმარებლისათვის, რათა ჩვენი პროდუქცია ყოფილიყო კონკურენტუნარიანი, კრეატიული და მიექცია დიდი ყურადღება სოციალურ ქსელში. ამ დროისთვის, ჩვენი გუნდი მუშაობს მხოლოდ საახალწლო პროდუქციის შექმნასა და მიწოდებაზე. მომხმარებლებს ვთავაზობთ საახალწლო ტკბილეულის ასორტიმენტს, გამორჩეული ვიზუალური მხარით, გემოთი და შეფუთვით. ჩვენმა საახალწლო ტკბილეულობამ დაიმსახურა დიდი მოწონება, მათ შორის, რა თქმა უნდა, საიდუმლო სანტებშიც.
ელიზას თქმით, „ტკბილი ოთახი“ გეგმავს, მომხმარებელს არაერთი სიახლე შესთავაზოს.
ჩვენი გამოცდილება გვეხმარება იმაში, რომ ვაწარმოოთ და მომხმარებლებს შევთავაზოთ სხვადასხვა სახის, სეზონური და არამარტო სეზონური პროდუქცია. აქედან გამომდინარე, არ ვაპირებთ გაჩერებას მხოლოდ საახალწლო ტკბილეულობაზე და აუცილებლად შემოგთავაზებთ ძალიან ბევრ სიახლეს.
