18 წლის ახალგაზრდა სავარაუდოდ ბუნებრივი აირის გაჟონვის შედეგად დაიღუპა. შემთხვევა თბილისში, 17 დეკემბერს მოხდა. არსებული ინფორმაციით, მათე ბეჟიაშვილი, რომელიც წარმოშობით კახეთიდან იყო, თბილისში, ნაქირავებ ბინაში ცხოვრობდა. გავრცელებული ინფორმაციით, ბინაში გაზმა კუსტარულად დამონტაჟებული წყლის გამათბობლიდან გაჟონა და ახალგაზრდა ბანაობისას მოიწამლა. ამ დროისთვის ის სახლში, ტიბაანშია გადასვენებული.
