“ბაია ფუდი” გახლავთ კომპანია, რომელიც გამოცდილების უკვე ძალიან ბევრ წელს ითვლის. ის მომხმარებელს სთავაზობს სხვადასხვა მარცვლეულის ფქვილისგან დამზადებულ ფაფებს, რომლებიც თანაბრად სასარგებლოა როგორც ბავშვებისთვის, ისე – მოხუცებისთვის და ა.შ. პროდუქტი არ შეიცავს ქიმიურ დანამატებს, არამედ – უჯრედისს, რომელის სისხლში ქოლესტერინის შემცველობას არეგულირებს და კუჭ-ნაწლავს გაღიზიანებისგან იცავს.
შპს “ბაია ფუდის” ერთერთი დამფუძნებელი და დირექტორი, ზვიად გრძელიძე “თბილისი თაიმსს” ესაუბრა.
“კომპანია უშვებს მარცვლეულის ფაფებს. გვაქვს 24 დასახელების პროდუქცია და ვიყენებთ როგორც ადგილობრივ ნედლეულს, ისე – ნედლეულს, რომელიც არ იწარმოება საქართველოში. ვამუშავებთ ბრინჯს, შვრიას, წიწიბურას, ქერს, სიმინდს. შესაბამისად, ვაწარმოებთ ნატურალურ კომპონენტებზე, ყოველგვარი ქიმიის გარეშე, ფაფებს. ისინი მზადდება ხილის დანამატებით. ვიყენებთ ადგილობრივ მშრალ ხილს. გვაქვს, ასევე, ხილის გარეშეც.
დავამატეთ ახალი სეგმენტი. ამაში დაგვეხმარა “ინოვაციების სააგენტო” და ევროკავშირის პროექტი, რომელსაც ახორციელებს შემფუთველთა კლასტერი. ჩვენი პროდუქტი მიიჩნიეს ინოვაციურად. საუბარია ხილის სნექებზე, 50-გრამიან შეფუთვებზე – იგულისხმება მშრალი ხილფაფებისგან სნექების დამზადება. ისინი დამზადდება სხვადასხვა ხილისგან და დაკავშირებული იქნება ერთმანეთთან შოკოლადის ფენებით.
უნდა აღინიშნოს, რომ ჩვენი ფაფები განკუთვნილია როგორც ბავშვებისთვის, ისე – მოხუცებისთვის და სხვა ყველა ასაკობრივი კატეგორიის ადამიანისთვის”, – განაცხადა ზვიად გრძელიძემ “თბილისი თაიმსთან” საუბრისას.
