ფსიქოლოგი, ნათია ფანჯიკიძე
„გილოცავთ, გილოცავთ!
აწი და აწი სულ რუსები გვასახელებენ.
მოკლედ, რუსმა სპორტსმენმა, რომელმაც სანქციებს საქართველოს ხელშეწყობით აარიდა თავი და ტურნირზე შეიპარა, გვასახელა. მიეცეს ლხენა, რაღათქმაუნდა. ეს ემოციურად, დედურად, კეთილად. ხოლო რაციონალურად – რად გვინდა ეს სახელი? გვინდა, თუ ფიგურული ციგურაობა სპორტის ეროვნულ სახეობებში ადგილს დაიკავებს, სკოლა ჩამოყალიბდება და მოედნები გვექნება, თუ ეს არ მოხდება, უბრალოდ ერთ რუსის გოგოს შევუწყვეთ ხელი პირად კარიერაში.
ასეთია მოკლე შინაარსი“, – წერს ნათია ფანჯიკიძე.
ცნობისთვის, ფინეთის ქალაქ ესპოოში მიმდინარეობს ევროპის ჩემპიონატი ფიგურულ ციგურაობაში, საქართველოს სახელით მოასპარეზე ანასტასია გუბანოვამ თავისუფალ პროგრამაში – 130.10, საერთო ჯამში კი 199.91 ქულა მოაგროვა და ევროპის ჩემპიონი გახდა. სპორტსმენი 2021 წლიდან საქართველოს სახელით გამოდის.
