კახეთში არასრულწლოვანთან სქესობრივი კავშირის ბრალდებით მამაკაცი დააკავეს. 13 წლის გოგონასთან სქესობრივი კავშირის ბრალდებით, 25 წლის კაცია დაკავებული. გამოძიების მასალების მიხედვით, არასრულწლოვანი ბებიასთან ერთად ცხოვრობდა.
იქვე ქირით მცხოვრები, 25 წლის ნათესავი მამაკაცი, გოგონასთან სისტემატურ სქესობრივ კავშირს ამყარებდა.
დაკავებულისა და გოგონას ურთიერთობის შესახებ, მას შემდეგ გახდა ცნობილი, რაც არასრულწლოვანი სახლიდან გაუჩინარდა და ოჯახმა პოლიციას აცნობა. გოგონას ოჯახს მედიასთან საუბარი არ სურს და გამოძიების დასრულებას ელოდება.
მამაკაცი პოლიციამ უკვე დააკავა, ხოლო სასამართლომ პატიმრობა შეუფარდა.
