საქართველოს საპატრიარქოს ახალგაზრდული მოძრაობა ,,დავითიანნი“ დაესწრო 212-ე საჯარო სკოლის კლუბის დაფუძნების საზეიმო ცერემონიას, რომელმაც წარმატებით ჩაიარა.
კლუბის წევრებმა წარმოადგინეს პრეზენტაცია „დავითიანნისა“ და ახლადდაარსებულ კლუბის შესახებ.
ღონისძიება გააფორმეს სხვადასხვა მუსიკალური ნომრებით, ცეკვით, დოლ-გარმონითა და ასევე სახალისო საინტერესო ვიქტორინით.
მოსწავლეებს განსაკუთრებული იმედები და მოლოდინები აქვთ, რადგან კლუბის საშუალებით მრავალ სასარგებლო აქტივობას დაგეგმავენ და განახორციელებენ და მიიღებენ დიდ გამოცდილებას, თუ როგორ დაგეგმონ და განახორციელონ სხვადასხვა ღონისძიებები და საზოგადოებრივი აქტივობები.
ღონისძიების მიმდინარეობის პროცესში მოსწავლეები სიტყვით გამოვიდნენ და გამოთქვეს თავისი შეხედულებები.
ღონისძიების დასასრულს ახალგაზრდული მოძრაობა “დავითიანნის” არაფორმალური განათლების ცენტრის ხელმძღვანელმა ნიკა ცხომელიძემ და სკოლის დირექტორმა ქალბატონმა მედიკო მირზაშვილმა აღნიშნეს “დავითიანნის” დიდი როლი მოზარდთა სამომავლო წინსვლასა და განვითრებაში. ,,დავითიანნის“ მიზანიც ეს არის, სკოლებთან ერთად ხელი შეუწყოს ბავშვის განვითარებასა და მათში ჯანსაღი აზროვნების ჩამოყალიბებას.
ნიკა ცხომელიძე: ამ სკოლის მოსწავლეები საკამოდ აქტიურები იყვნენ ყოველთვის. მათ შორის იყო ბაჩო მირზაშვილი, რომელმაც გაიმარჯვა და ტაო-კლარჯეთშიც იმოგზაურა.
ჩვენს მოსწავლეებს შევთავაზეთ შეექმნათ ისეთი კლუბები, რომლის საშუალებითაც „დავითიანნი“ ითანამშრომლებს სკოლებთან.
