რუსეთის სამთავრობო საინფორმაციო სააგენტო “რია” წერს, რომ რუსულმა კომპანიებმა საქართველოში ფრენები შესაძლოა მომავალი კვირიდან დაიწყონ.
მედიას წყარო ეუბნება, რომ – “რუსეთიდან საქართველოში ფრენების დაწყება მომავალ კვირას იგეგმება”.
რუსეთის ტრანსპორტის სამინისტროში ამბობენ, დაგეგმილია ყოველკვირეულად შვიდი პირდაპირი რეისის განხორციელება მოსკოვიდან თბილისის მიმართულებით შიდა თვითმფრინავებით.
10 მაისს ცნობილი გახდა რუსეთის პრეზიდენტ ვლადიმერ პუტინის ახალი განკარგულება, რომლის მიხედვითაც საქართველოსთან სავიზო რეჟიმი 15 მაისიდან გაუქმდება, ასევე, რუსეთმა მოხსნა საქართველოსთან პირდაპირ ავიამიმოსვლაზე აკრძალვა.
ცნობისთვის, 2019 წლის 20 ივნისის ანტისაოკუპაციო აქციების შემდეგ, რაც თბილისში დუმის დეპუტატის, სერგეი გავრილოვის ჩამოსვლას მოჰყვა, პუტინმა რუსულ ავიაკომპანიებს საქართველოში ფრენები დროებით აუკრძალა. ფრენა აეკრძალათ კომერციულ ავიაკომპანიებსაც. იხილეთ ასევე:
