მეცნიერებათა აკადემიის პრეზიდენტი, როინ მეტრეველი ამბობს, რომ „მთავარი არხის“ ეთერში გასულ სიუჟეტთან დაკავშირებით არ უნერვიულია. ამის შესახებ მეტრეველმა ambebi.ge-სთან განაცხადა.
“ეს იმხელა სისულელე და აბსურდული რაღაცაა, არ ღირს ამაზე მსჯელობა, ყველა ნორმალური ადამიანი მიხვდება, რაც არის… ასე რომ, მაგაზე ნუ შეწუხდებით და ნუ მიაქცევთ ყურადღებას, არ მინერვიულია, გამობრძმედილი კაცი ვარ, არ გინდათ ამაზე ყურადღების გამახვილება, თავი დაანებეთ… კარგად ბრძანდებოდეთ”, – განაცხადა მეტრეველმა.
