ბოლო მონაცემებით, რაჭაში, სტიქიის ზონაში 14 მოქალაქეს ეძებენ, მათ შორის არიან ბავშვები. არსებული ინფორმაციით, დაღუპული 18 ადამიანიდან ოჯახებმა მხოლოდ 16-ის იდენტიფიცირება შეძლეს. ცოტა ხნის წინ ცნობილი გახდა, რომ მარიტა გუტაშვილის დაკარგული და-ძმა გარდაცვლილები იპოვეს.
ახლობლები ახალგაზრდებს გლოვობენ.
„ჩემო ჭკვიანო ბავშვებო, ჩემს თვალწინ გაზრდილებო, მეგი დედასავით მოუარე გიგის როგორც სიცოცხლეში უვლიდით შენ და მარიტა, ღმერთი კი ორივეს მოგივლით. მჯერა თავისთან ახლოს დაგიმკვიდრებთ ცათა სასუფეველს! ჩემო ანგელოზებად გადაქცეულო ბავშვებო, მიყვარხართ,“ – წერს ოჯახის ახლობელი.
