“მიშისტებო, რამე არ მომწეროთ გადაბრუნებული, დაიწყევლებით ეგრევე…” – ამ სიტყვებით იწყებს მსახიობ ზურა ყიფშიძის ქალიშვილი ლენუკა პოსტს, რომელსაც სოციალურ ქსელში აქვეყნებს.
ლენუკა ჟურნალისტ ნანუკა ჟორჟოლიანს მიმართავს და წერს, რომ მამის, ზურა ყიფშიძის მისამართით არასოდეს გაბედოს რამის თქმა.
ლენუკა ყიფშიძე:
– დიდი ხანია ვითმენ, ვითმენ და ძალიან დავიღალე ამ ყ…ქალას მოსმენით და ლანძღვით მამაჩემზე. ნანუკა, ცოტა აზრზე მოდი და ოდნავ მაინც გრცხვენოდეს, სანამ მამაჩემზე გადაბრუნებულ რამეს იტყოდე.
საჯაროდ საუბრობ ისეთ რამეს, რაც სრულად არ გინახავს გადაცემა, აზრი მერე გამოიტანე, ასე ჯობია შენთვის. შენ საერთოდ იცნობ, რა ადამიანია მამაჩემი? – ყველა ვინც გადაბრუნებულ რამეს იტყვით მამაჩემზე, პირში წყალი გამოივლეთ.
ადამიანი გადამკვდარია ოჯახზე, მეგობრებზე და საერთოდ, შენ მამაჩემზე ასე საუბრის უფლებას როგორ აძლევ თავს? ნუ შეე…თ საერთოდ ამ კაცს.
აი, სახალხოდ გაფრთხილებ, არასოდეს გაბედო მამაჩემზე გადაბრუნებული რამე თქვა. გამოგჭამ ყელს გოგო, თავი ვინ გგონია.
ლენუკა პოსტს იმ ვიდეოს ურთავს, სადაც ნანუკა ჟორჟოლიანი თავის გადაცემაში ზურა ყიფშიძეზე საუბრობს. უცნაურია, რომ ეს ფაქტი ორი წლი წინ მოხდა, ახლა რამ გააღიზიანა მსახიობის შვილი, უცნობია.
2021 წლის ოქტომბერში, მსახიობი ზურა ყიფშიძე გია გაჩეჩილაძის გადაცემას “უცნობის კიდობანი“ სტუმრობდა, სადაც მან მიხეილ სააკაშვილზეც ისაუბრა.
“მაპატიეთ და ძალიან ცუდ რამეებს ვიტყვი, რა… რომ შემოვარდნილიყვნენ, ცოლი გაეუპატიურებინათ, შვილი მოეკლათ, ცოლის თვალწინ გავეუპატიურებინე… ერთი გიჟი როგორ ვერ გამოჩნდა, კენედი “დაბრიდეს”… მე იმას კი არ ვიძახი, არიქა, კარგი იქნებოდა მიშა რომ მოეკლათ, უბრალოდ, ვერცერთმა გამწარებულმა ვერ გადადგა ეს ნაბიჯი.“ – ამბობს ზურა ყიფშიძე.
მსახიობის ამ განცხადებას მოგვიანებით ნანუკა საკუთარ გადაცემაში გამოეხმაურა.
“სამწუხაროდ, უმძიმესი განცხადება გააკეთა ზურა ყიფშიძემ… ეს ვინმე პოტენციური ან არშემდგარი ტერორისტის მოსაზრება არ გეგონოთ. ჩვენი ქვეყნის გამორჩეული და ძალიან ნიჭიერი მსახიობის, ზურა ყიფშიძის სიტყვებია, ბატონო ზურაბ, სამშობლო საჭმელზე და სამოთახიან ბინაზე ბევრად მეტი ღირს, სამშობლო შეუფასებელია. ადამიანის და პრეზიდენტის დაბრედვა კინოს გადასაღები მოედანი არ არის…“ – ამბობს ჟორჟოლიანი ვიდეოში, რომელიც ლენუკა ყიფშიძემ საკუთარ სტატუსთან ერთად გამოაქვეყნა.
