თურქეთის ენერგეტიკისა და ბუნებრივი რესურსების მინისტრმა, თანერ ილდიზმა, სინოპში (ქალაქი ჩრდილოეთ თურქეთში) ასაგებ ბირთვულ სადგურთან დაკავშირებით წერილობითი განცხადება გააკეთა.
განცხადებაში მოყვანილია ერთ-ერთი იაპონური გაზეთისათვის თანერ ილდიზმის მიერ მიცემულ ინტერვიუში გაკეთებული შეფასებები. თურქი მინისტრი აღნიშნავს, რომ მათი სურვილია სინოპში ასაგებ ბირთვულ სადგურში თურქეთის კუთვნილი აქციების წილი 35-49% იყოს.
განცხადების თანახმად, თურქეთ-იაპონიის მიერ ერთობლივად ასაგებ მეცნიერებისა და ტექნოლოგიის უნივერსიტეტისათვის, სტამბოლში120 ათასი კვადრატული მეტრის ტერიტორიის გამოყოფას გეგმავენ.
აქვე აღნიშნულია, რომ საფრანგეთის პრეზიდენტი ფრანსუა ოლანდი და თურქეთის პრემიერმინსტრი რ. თ. ერდოღანი ამ თვის ბოლოს თურქეთში გასამართ ორმხრივ შეხვედრებზე, იაპონურ-ფრანგული კონსორციუმის მიერ ასაგები ბირთვული სადგურის პროექტზე ერთმანეთს თავიანთ მოსაზრებებს გაუზიარებენ.
03.01.14
