რუსთაველის გამზირზე ცოტა ხნის წინ, რამდენიმე ადამიანი დააკავეს. დაკავებულები, სავარაუდოდ, სხვადასხვა განყოფილებაში არიან გადაყვანილები.
პარლამენტის მიმდებარე ტერიტორიაზე მობილიზებულია როგორც საპატრულო პოლიცია, ასევე სპეციალური დანიშნულების რაზმის თანამშრომლები, ასევე სასწრაფო სამედიცინო დახმარების ბრიგადა. აქციის მონაწილეებსა და სპეცრაზმს შორის, რამდენჯერმე მოხდა დაპირისპირება.
საქართველოს პარლამენტთან სამოქალაქო ორგანიზაციების ორგანიზებით, “გამჭვირვალობის შესახებ“ კანონპროექტის წინააღმდეგ აქცია 19:00 საათიდან მიმდინარეობს.
