პლასტიკური ქირურგია დღითიდღე პოპულარული ხდება, მასზე მოთხოვნა უფრო და უფრო იზრდება. მანდილოსნები ყველაზე ხშირად მკერდის და ცხვირის პლასტიკურ ოპერაციას მიმართავენ.
ზუსტად მკერდის ფორმის კორექცია ჩაიტარა “პრაიმ ჰაუსის“ მონაწილე, სალომე კაპანაძემ 2023 წლის ოქტომბერში.
ოპერაციიდან რამდენიმე თვის შემდეგ, გადაცემა “ექიმებში” სტუმრად იმყოფებოდნენ სალომე კაპანაძე და ექიმი ზურაბ კეკელია. სადაც პაციენტმა ისაუბრა, რომ ოპერაციით ძალიან კმაყოფილი იყო.
სალომე ექვსი თვე დუმდა, დღეს კი ამბობს, რომ უკმაყოფილოა, რადგან დიდი ზომის ნაწიბური დარჩა სხეულზე განმეორებითი ოპერაციის შედეგად, რაც შემდეგი გართლულების გამო ჩატარდა.
“პირველად ვსაუბრობ ამ თემაზე. ოპერაციაზე მივედი, რომ წამოვსულიყავი ლამაზი და დამრჩა შრამები. პროცედურიდან მალე ნაკერები გაიხსნა, ექიმი მეუბნებოდა, რომ ეს ნორმალირი იყო. მან მთხოვა ეს ამბავი არ გამეხმაურებინა, რადგან ბოლომდე მიიყვნანდა საქმეს და შემიხორცებდა ჭრილობას. მიუხედავად ამისა, მე ვთხოვე ანაზღაურება რის შემდეგაც, ოპერაციის თანხა გადამიხადა, მაგრამ მორალური ზიანი არ ამინაზღაურა და დაწერა საჩივარი. არ ვაპირებდი ამ თემაზე საუბარს მაგრამ სხვა გზა არ დამიტოვა,” – განაცხადა სალომემ.
რაც შეეხება ექიმ ზურაბ კეკელიას, ის ოპერაციის შემდეგ გართულებებს არ უარყოფს. თუმცა საბოლოო შედეგით კმაყოფილია, რადგან იმპლატი ამოსაღები არ გახდა და ჭრილობის კიდეები სწორხაზოვანია.
“სალომეს რეკომენდაცია მიეცა სამედიცინო სალფეთქი დაედო ჭრილობაზე, მან კი ქაღალდის სალფეთქი გამოიყენა რაც კატეგორიულად დაუშვებელი იყო და გამოიწვია ინფექცია.
რადგან სალომე მომენდო ყველა ხარჯი ჩემს თავზე ავიღე: წამლები, გადაადგილების ხარჯი, დამატებითი მედიკამენტები, გადახვევები, მეორედი ოპერაცია. პასუხისმგებლობით მოვეკიდე და ჩემი კეთილი ნებით ოპერაციის და დამატებითი ანალიზების თანხა ჩავურიცხეთ, მაგრამ რაღაც დროის შემდგომ დამატებითი თანხა, 20 000 ლარი, მოითხოვა მორალური ზიანის ასანაზღაურებლად და ამ თანხის ჩარიცხვის ჩემთხვევაში უარი განაცხადა შეთანხმების დოკუმენტზე ხელის მოწერაზე, რაც გამოძალვას ჰგავდა და მივმართე პოლიციას ვაკე საბურთალოს განყოფილებაშო შევიტანე საჩივარი,” – განაცხადა ექიმმა ზურაბ კეკელიამ.
