DIARIO AS : „ლეგენდები კავკასიიდან, რომლებმაც კრიშტიანუს და მისი გუნდის დამარცხება შეძლეს“ საქართველოს ევროპის ჩემპიონატის 1/8 ფინალშია! „ჯვაროსნებმა“ სადებიუტო ევროპის ჩემპიონატზე პირველი, ისტორიული სამი ქულა F ჯგუფის და ტურნირის ერთ-ერთ ფავორიტ პორტუგალიის ეროვნულ ნაკრებთან დამაჯერებელი გამარჯვებით მოიპოვეს. როგორც აღმოჩნდა, საქართველოს ასეთ ასპარეზობას სადებიუტო ევროთასებზე არავინ ელოდა. საერთაშორისო პრესა ქართველი ფეხბურთელების გმირობაზე და კრიშტიანუ რონალდოზე წერს, რომელიც ქართველ მცველებთან და კარში მდგარ, შოუს შემქმნელ, გიორგი მამარდაშვილთან ვერაფერს გახდა. DIARIO AS მემატიანე „კავკასიის ლეგენდებზე“ ….. საქართველომ პორტუგალია მამარდაშვილისა და კვარაცხელიას ლიდერობით დაამარცხა და მერვედფინალშია. იქ ესპანეთს შეხვდება. ევროთასებზე დიდი აჟიოტაჟის მოყვარულებს საქართველო კვებავს. იქ მხოლოდ 4 მილიონი ადამიანი ცხოვრობს. გუნდი, რომელიც არასდროს ყოფილა ტოპ ელიტის სათავეში, პირიქით, ბოლო დრომდე ევროპული ფეხბურთის უკანა კარიბჭედ ითვლებოდა. მათი გამარჯვება პორტუგალიასთან, კრიშტიანუ რონალდუსა და ჟოაო ფელიქსის პორტუგალიასთან, ამ ტურნირისა და სპორტის ისტორიაა. პორტუგალისთან გამარჯვებამ ნათლად აჩვენა, რომ საქართველოს ნებისმიერი გუნდის დამარცხება შეუძლია. იქ, სადაც ევროპა მთავრდება და იწყება აზია, იმ არასასიამოვნო საფეხბურთო რელიეფზე, როგორიც საქართველო იყო, იქამდეც მიაღწია ტაქტიკამ, ცოდნამ და მეთოდოლოგიამ. ამ აქტუალურ ტურნირზე ქართველების ხილვა, ალბათ, ნორმალური უნდა გახდეს, რადგან გეოგრაფიული გამოწვევის გარდა, ეს დღევანდელი ფეხბურთის რეალობაცაა. კავკასიაში ფრანგი, სახელად სანიოლი, თავის დროზე მცველი, ბრწყინვალე მწვრთნელი გახდა, რობერტო მარტინესს და განსაკუთრებით კრიშტიანოს უხერხულობას უქმნიდა, ისე როგორც არასდროს. კვარაცხელიას გოლმა თამაში 93 წამში მოკლა. პორტუგალიელთა შემადგენლობამ, შემცვლელებით სავსემ, თუმცა მეკარითა და თერთმეტეულში დამწყები თავდამსხმელით და საქართველოს სულისკვეთებით, რომელიც თავისი ცხოვრების თამაშს თამაშობდა, ზარმაცი ფავორიტისა და ამოუწურავი ღვაწლის დუელი მოაწყო. პატარა თბილისად ქცეული გელზენკირხენი თანაბრად იტანჯებოდა და ტკბებოდა. საქართველოს სამი ცენტრალური მცველის დაცვითი თამაში კოლოსალური იყო, ისევე როგორც მამარდაშვილის ფიგურა. რომელსაც კრიშტიანომ გასაღები ვერ უპოვა. სიამაყისა და ფორმულის გარეშე, ჟოაო ფელიქსის გათიშვით და გავლენებს მოკლებული ცვლილებებით, დარჩენილი დრო პორტუგალიელების დისკრედიტაციას შორის მძიმე მარცხისა და ქართული გუნდის კორონაციას შორის ნაზავი იყო, რომელიც არამარტო პატივითა და სიამაყით იცავდა თავის უპირატესობას, მეორე გოლსი გატანაც მოახერხა. ეპოპეა იმათ, რომლებსაც ფეხბურთი დროდადრო ტოვებს. ისტორია, რომელიც სამუდამოდ დარჩება. ის ლეგენდები კავკასიიდან, რომლებმაც ერთ დღეს შეძლეს კრიშტიანუს და მისი ხალხის დამარცხება,” ~ ნათქვამია DIARIO AS – ის ვრცელ სტატიაში. შეგახსენებთ, რომ საქართველოს ნაკრები კვირას ესპანეთის ეროვნულ გუნდს დაუპირისპირდება! თაკო აბესაძე სპეციალურად „ლიდერსპორტისთვის“ ესპანეთიდან!
