ხვიჩა კვარაცხელია, ზურიკო დავითაშვილი, ბუდუ ზივზივაძე… ეს სახელები მთელი საქართველოსთვის და არამარტო საქართველოსთვის კარგადაა ცნობილი. ფეხბურთელის მიერ ერთი გატანილი გოლი მის მიმართ დიდ ინტერესს იწვევს. შესაბამისად, იზრდება ინტერესი იმის შესახებაც, თუ ვინ არის მისი რჩეული:
ამ სტატიაში სწორედ ქართველ ფეხბურთელებსა და მათ რჩეულებზე ვისაუბრებთ:
ხვიჩა კვარაცხელია და ნიცა თავაძე
26 მაისს, ისტორიული თამაშის დღეს, როცა საქართველოს ეროვნულმა ნაკრებმა ევროპის ჩემპიონატის საგზური მოიპოვა, ხვიჩა კვარაცხელიამ მედიასთან განაცხადა, რომ მალე მამა გახდებოდა. “კვარას” მეუღლე ნიცა თავაძეა.
ხვიჩა კვარაცხელია 2023 წელს დაქორწინდა. წყვილმა საქართველოში, სამთავროს მონასტერში დაიწერა ჯვარი.
ზურიკო დავითაშვილი და მია გზირიშვილი
ფეხბურთელი მეუღლესთან და შვილთან ერთად ამჟამად იმყოფება საფრანგეთში, ბორდოში.
„რუბინში“ დავბრუნდი, ვიცოდი, რომ ერთი თვე ვრჩებოდი იქ და მერე სხვა გუნდში უნდა წავსულიყავი. მე და კვარა ერთ ოთახში ვიყავით. იმ პერიოდში მას უკვე ჰყავდა შეყვარებული. სულ ვუყურებდი, რომ ლაპარაკობდა და ჩვენ ისე აღარ ვკონტაქტობდით, როგორც ადრე, შეიძლება ითქვას, რომ ნიცამ „წამართვა“ კვარა. ნიცას ჰყავდა დაქალი მია. ფოტოები ვნახე და მომეწონა, მოვილაპარაკეთ, რომ უნდა გამეცნო. მაგრამ დაგეგმილად ხომ ვერაფერი მოხდებოდა. კვარას და ნიცას დახმარებით გავიცანი მია და პირველივე დღიდან ისე წავიდა ყველაფერი, რომ უკვე ეტყობოდა, როგორ განვითარდებოდა სიტუაცია” – იხსენებდა ფეხბურთელი მეუღლის გაცნობის ისტორიას.
ბუდუ ზივზივაძე და ნინი კვერნაძე
21 მარტს “დინამო არენაზე” საქართველოს საფეხბურთო ნაკრებმა ლუქსემბურგი ანგარიშით 2:0 დაამარცხა და ევრო 2024-ის პლეი-ოფის ფინალში გავიდა. შეხვედრაში ორივე გოლის ავტორი ბუდუ ზივზივაძე გახდა.
გიორგი მამარდაშვილი და ელენე ეპიტაშვილი
მედიაში გავრცელებული ინფორმაციით, გიორგი მამარდაშვილმა უმშვენიერეს ელენე ეპიტაშილს ხელი სთხოვა და ქორწილისთვის ემზადებიან.
მის შესახებ გიორგიმ ნოე სულაბერიძის გადაცემაში ისაუბრა და აღნიშნა, რომ ელენე მისი აღმოჩენაა:
“ელენე არის ჩემი აღმოჩენა, სულ გვერდში მიდგას და სულ მამხნევებს, ძალიან მაგარია გოგოა…”
გიორგი წიტაიშვილი და სოფია მურზა
გიორგი წიტაიშვილის მეუღლე სოფია მურზაა.
“ბავშვის დაბადებამ ბევრი რამ შეცვალა, ზოგადად ამბობენ, რომ ღმერთი როცა გაძლევს გოგოს, ემოციური ხდებიო. უფრო თბილი გავხდი” – ამბობს ფეხბურთელი Geo Team-თან ინტერვიუში.
სოფია მურზა:
– ერთმანეთი საფეხბურთო მატჩზე გავიცანით. ძმასთან ერთად ერთ-ერთი ტურნირის ფინალს დავესწარი. გიოს გასულ მატჩზე წითელი ბარათი ჰქონდა მიღებული, ამიტომ ტრიბუნაზე იჯდა. ერთმანეთს იქ გადავეყარეთ, შემდეგ კი “ინსტაგრამზე” მიპოვა.
გურამ კაშია და თამთა გიგაშვილი
გურამ კაშიას მეუღლე თამთა გიგაშვილია, პროფესიით სამართალმცოდნე. წყვილს ერთი ქალიშვილი ჰყავს – ალექსანდრა.
“ერთმანეთი საერთო მეგობარმა გაგვაცნო… საკმაოდ მალე დავახლოვდით, ერთმანეთს კარგად გავუგეთ. ყველაფერი უცებ მოხდა. მოვლენები ისე განვითარდა, რომ თავადაც გაკვირვებულები ვიყავით. გაცნობიდან ცოტა ხანში აღმოვაჩინეთ, რომ ერთმანეთი მოგვწონდა და უფრო მეტიც, გვიყვარდა კიდეც…
საქართველოს ნაკრების საბერაძნეთან ისტორიული გამარჯვების ერთ-ერთ შემოქმედს ნიკა კვეკვესკირს ულამაზესი ოჯახი ჰყავს. ფეხბურთელის მეუღლე სალომე ბებუაა. სალომეც აფხაზეთიდან დევნილია. იგი პროფესიით ექიმ-სტომატოლოგია. წყვილს 2 გოგონა ჰყავს.
ლაშა დვალი მაკა ბუაჩიძეზე 2019 წელს დაქორწინდა. ისინი დაქორწინებამდე რამდენიმე წელი შეყვარებულები იყვნენ. წყვილმა გრანდიოზული ქორწილი საქართველოში გადაიხადა.
გიორგი ქოჩორაშვილი შეყვარებულია. მისი რჩეული გოგონა, ბრაზილიელი სანდრა მენდონსაა.
ფეხბურთელ საბა ლობჟანიძის მეუღლე კი სალი კერატიშვილია. ისინი ბავშვს ელოდებიან.
გიორგი გველესიანის მეუღლე ლინდა კოკოლაშვილია, წყვილს ორი შვილი ჰყავს. ისინი საქართელოში ცხოვრობენ გიორგი კი ირანში მარტო ცხოვრობს.
