დედოფლისწყაროში 32 წლის მამაკაცის ცხედარი იპოვეს. ცხედარს სოფელ გამარჯვებაში, საკუთარ საცხოვრებელ სახლში მიაგნეს. გარდაცვლილს სანადირო თოფიდან მიყენებული ცეცხლნასროლი ჭრილობა აქვს.
ახლობლების ერთ-ერთი ვერსიით, ახალგაზრდა მამაკაცი, საკუთარი სანადირო თოფის წმენდისას, შემთხვევით გასროლილმა ტყვიამ იმსხვერპლა.
გარდაცვალების რეალური მიზეზი, ექსპერტიზის დასკვნის შემდეგ გახდება ცნობილი. მომხდარ ფაქტზე გამოძიება სისხლის სამართლის კოდექსის 115- ე მუხლით დაიწყო.
