4 მარტს, თბილისში, მეტეხის ხიდიდან ავტომობილის მტკვარში გადავარდნის შედეგად ახალგაზრდა მამაკაცი გარდაიცვალა – მედიაში გავრცელებული ინფორმაციით, გარდაცვლილი 27 წლის გიგი ზარანდიაა.
გიგი ზარანდიას შესახებ სოციალურ ქსელში წერენ მისი მეგობრები და ახლობლები. გარდაცვლილი მამაკაცის შესახებ ავრცელებს ინფორმაციას მისი ერთ-ერთი ნათესავი, ელენე შენგელიაც და წერს, რომ გიგი ზარანდია ახლად დაქორწინებული იყო, ბავშვს ელოდებოდა და მალე ქორწილი უნდა გადაეხადა.
„გუშინ მეტეხის ხიდთან რომ მანქანა გადავარდა, ქალაქში შექმნილ საცობზე დავიწუწუნე გაუაზრებლად…
დღეს დილას კი ვიგებ, რომ ის ახალგაზრდა გარდაცვლილი ბიჭი ჩემი ბიძაშვილის შვილის მეუღლეა.
ახლად დაქორწინებულები იყვნენ, ბავშვს ელოდებოდნენ, ქორწილი უნდა გადაეხადათ და ბევრი გეგმა ჰქონდათ ცხოვრებაში!
რით განუგეშო ბავშვო, არც კი ვიცი, ფეხქვეშ მიწა გეცლება და ფეხზე როგორ უნდა დადგე“, – წერს ელენე შენგელია სოციალურ ქსელში.
