უკრაინის პრეზიდენტმა ვიქტორ იანუკოვიჩმა ფრაქცია “ბატკივშინას” ლიდერ არსენი იაცენიუკს პრემიერ-მინისტრის პოსტი შესთავაზა. უკრაინული მედიის ინფორმაციით, ამის შესახებ იუსტიციის მინისტრმა ელენა ლუკაშმა განაცხადა.
მისივე განმარტებით, პრეზიდენტი მზადაა აღნიშნულ დათმობებზე პოლიტიკური კრიზისის დარეგულირების სანაცვლოდ წავიდეს.
ვიქტორ იანუკოვიჩმა დღეს ოპოზიციის ლიდერებთან მოლაპარაკებების მორიგი რაუნდი გამართა, რომელიც რამდენიმე წუთის წინ დასრულდა.
პრეზიდენტის ადმინისტრაციაში მიმდინარე შეხვედრაში მონაწილეობას იღებდნენ: პრეზიდენტის ადმინისტრაციის უფროსი, სამუშაო ჯგუფის ხელმძღვანელი ანდრეი კლიუევი, იუსტიციის მინისტრი ელენა ლუკაში, პარტია “უდარის” ლიდერი ვიტალი კლიჩკო, “ბატკივშინას” ლიდერი არსენი იაცენიუკი, ფრაქცია “თავისუფლების” ლიდერი ოლეგ ტიაგნიბოკი.
