ხვალ, სასტუმრო რედისონ ბლუ ივერიაში ვიცე-პრემიერი/ენერგეტიკის მინისტრი კახა კალაძე საქართველოს ნავთობის, გაზის, ინფრასტრუქტურისა და ენერგეტიკის (GIOGIE 2014) ყოველწლიურ საერთაშორისო კონფერენციას გახსნის.
როგორც “თბილისი თაიმს” ენერგეტიკის სამინსიტროდან აცნობეს, ორდღიან კონფერენციაში მონაწილეობას იღებენ საერთაშორისო ენერგეტიკული ორგანიზაციების, ამერიკის საერთაშორისო განვითარების სააგენტოს (USAID), ევროპის რეკონსტრუქციისა და განვითარების ბანკის (EBRD), საქართველოს ენერგეტიკული განვითარების ფონდის, სახელმწიფო ნავთობისა და გაზის სააგენტოს, საქართველოს ენერგეტიკისა და წყალმომარაგების მარეგულირებელი ეროვნული კომისიის, საქართველოს ნავთობისა და გაზის კორპორაციის წარმომადგენლები.
კონფერენციის ფარგლებში იმსჯელებენ ენერგოსექტორში მიმდინარე პროცესებზე და მათი განვითარების პერსპექტივებზე, არსებულ საინვესტიციო პოლიტიკაზე, საქართველოსა და ევროკავშირის ურთიერთობებზე ენერგეტიკულ საკითხებში და საქართველოს ენერგეტიკულ გაერთიანებაში გაწევრიანებასთან დაკავშირებულ ვალდებულებებზე.
25.03.14
