დონეცკის ოლქის ქალაქ სლავიანსკში სეპარატისტებმა ამერიკელი ჟურნალისტი მძევლად აიყვანეს. ამის შესახებ “უკრაინსკაია პრავდა” იუწყება.
სლავიანსკის ე.წ. სახალხო მერის, ვიაჩესლავ პანამარიოვის ინფორმაციით, მძევლად აყვანილია ამერიკული Vice News-ის ჟურნალისტი საიმონ ოსტროვსკი.
ამასთან, უკრაინული მედიის ცნობით, რამდენიმე დღის წინ სლავიანსკი, პრორუსმა სეპარატისტებმა იტალიელი ჟურნალისტები პოლ გოგო და კოსიმო ატანასიო, ასევე ბელორუსი რეპორტიორი დიმიტრი გალკო დააკავეს. თუმცა, სეპარატისტებმა დაკავებულები იმავე დღეს გაათავისუფლეს.
მომხდართან დაკავშირებით კომენტარი გააკეთა ევროპასა და ცენტრალურ აზიაში “ჟურნალისტთა დაცვის კომიტეტის” კოორდინატორმა.
“მოვუწოდებთ ყველას, ვისაც დაკავებული ჰყავს საიმონ ოსტროვსკი, დაუყოვნებლივ გაათავისუფლონ, შეწყვიტონ ჟურნალისტების დაკავება და დევნა”, – განაცახდა ევროპასა და ცენტრალურ აზიაში “ჟურნალისტთა დაცვის კომიტეტის” კოორდინატორმა ნინა ოგნიანოვმა.
23.04.14
