ამერიკის პრეზიდენტ ბარაკ ობამას განცხადებით, რუსეთის მისამართით ახალი სანქციები ძალიან მალე დაწესდება, თუ ეს ქვეყანა ჟენევის შეთანხმების პირობებს არ შეასრულებს. ობამას თქმით, მოსკოვს ჯერ კიდევ შეუძლია თავი დააღწიოს სანქციებს. თუმცა, ამერიკის პრეზიდენტმა ისიც დაამტა, რომ ჯერ არ ჩანს იმის ნიშნები, რომ რუსეთს სანქციების თავიდან არიდება სურდეს. ობამას თქმით, ახალი სანქციები უკვე მზადდება. ”ბი-ბი-სი”-ს ცნობით, აღნიშნულის შესახებ მან ტოკიოში იაპონიის პრემიერ სინძო აბესთან ერთად გამართულ პრესკონფერენციაზე განაცხადა. გუშინ ობამამ აზიაში ექვსდღიანი ტურნე დაიწყო.
