ოკუპირებული აფხაზეთის დე ფაქტო პრეზიდენტის მოვალეობის შემსრულებლის ვალერი ბგანბას ინფორმაციით, ე.წ. პრემიერ-მინისტრი ლეონიდ ლაკერბაია თანამდებობიდან გადადგა. ამის შესახებ ინფორმაციას “ინტერფაქსი” ავრცელებს.
“მინისტრთა კაბინეტი გააგრძელებს მოვალეობის შესრულებას არჩევნების ჩატარებამდე. შემდეგ, ვნახოთ, შეიძლება ვინმეს აღარ მოუნდეს ან ვერ შეძლოს მუშაობა”, – განაცხადა ბგანბამ.
მისივე ინფორმაციით, “პრემიერ-მინისტრის მოვალეობას ფინანსთა მინისტრი ვლადიმერ დელბა შეასრულებს”.
თავად ლეონიდ ლაკერბაია ჯერ კიდევ გუშინ აცხადებდა, რომ თანამდებობის დატოვებას არ აპირებდა.
02.06.14
