ჩემი მერად აღდგენის შემთხვევაში ღარიბაშვილს აქვს შიში, რომ მე მთავრობის სხდომაზე მივალ და მას თვალებში ჩავხედავ, – ამის შესახებ თბილისის განვითარების ფონდთან დაკავშირებული საქმის განხილვის გადადების შემდეგ გიგი უგულავამ ჟურნალისტებს განუცხადა. მისი თქმით, პროკურორების გამოუცხადებლობის მიზეზი, რომ კვალიფიკაციის ამაღლება არ არის, ეს ნათელია. “კვალიფიკაციის ამაღლება, სავარაუდოდ, ნამდვილად სჭირდებათ ამ ხალხს. ფეხბურთის გუნდი, რომ არ გამოცხადდება 3:0 წაგება ეთვლება, დაახლოებით ასეთი სიტუაციაა. შეუძლებელია ამას იუმორის გარეშე შეხედოთ. ცხადია, ეს ხალხის არანაირ სემინარზე არ არიან და არანაირი საპროკურორო ზედამხედველობას არ ახორციელებენ. ამით გასაგებია რა შიში აქვს ღარიბაშვილს ჩემი მერად აღდგენის შემთხვევაში. მას აქვს შიში, რომ მე მთავრობაზე მივალ და თვალებში ჩავხედავ ამ მატყუარა ადამიანს. ეს შიში, როგორც ჩანს, ივანიშვილიდან გადმოჰყვა, როცა მე მასთან შეხება მქონდა ასევე მთავრობის სხდომაზე”, – განაცხადა გიგი გუგულავამ. გიგი უგულავა ხელისუფლებას მოუწოდებს არ იდარდონ. “ნუ დარდობთ, მეგობრებო, საქმეს მიხედეთ, 100 ქარხანა აამუშავეთ, მე არც მთავრობის სხდომაზე ვაპირებ თქვენთან მოსვლას და არც აღდგენისთვის ვიბრძოლებ. კარგად დაასვენეთ პროკურორები, ალბათ ისინი ღარიბაშვილს ცხელი ზაფხულისთვის სჭირდება”, – განაცხცასდა გიგი უგულავამ. თბილისის განვითარების ფონდის საქმეზე გიგი უგულავას და მასთან ერთად ბრალდებულების საქმის განხილვა პროკურორების გამოუცხადებლობის გამო გადაიდო. შემდეგი სხდომა 10 ივნისს, 16:00 საათზეა ჩანიშნული. როგორც გიგი უგულავამ აღნიშნა, მას საერთოდ სურდა, რომ პროცესი არჩევნების შემდეგ ჩანიშნულიყო. დღეს, გიგი უგულავას პროცესზე პროკურორების გამოუცხადებლობის მიზეზად მათი მივლინებაში წასვლა დასახელდა. აღნიშნულთან დაკავშირებით საქმის პროკურორთა განცხადება სხდომაზე მაია შოშიაშვილმა წაიკითხა. მისივე განმარტებით, პროკურორებმა სასამართლოს განცხადებით გუშინ, სამუშაო დღის დამთავრებამდე 8 წუთით ადრე მიმართეს, სადაც აღნიშნავენ, რომ ბათუმში 10- დღიანი მივლინების გამო, პროცესზე დასწრებას ვერ შეძლებდნენ. რაც შეეხება მივლინების მიზეზს, პროკურორების განცხადებით, მათ ზედამხვედველობა უნდა განახორციელონ ერთ-ერთი სისხლის სამართლის საქმეზე, ასევე დაესწრონ კიბერდანაშაულთან დაკავშირებულ სემინარს. 05.06.14
