საქართველო იმსახურებს აიხდინოს ნატო-ში გაწევრიანების ოცნება, როგორც ჩვენ გავაკეთეთ ხუთი წლის წინ, – ამის შესახებ ალბანეთის თავდაცვის მინისტრმა, მიმი კოდელიმ დღეს თავის ქართველ კოლეგასთან ირაკლი ალასანიასთან გამართული შეხვედრის შემდეგ, ერთობლივ პრესკონფერენციაზე განაცხადა.
“მინდა, მადლობა გადავუხადო ჩემს კარგ მეგობარს ირაკლის მოწვევისთვის და მაქვს პატივი, ვიმყოფებოდე დღეს თბილისში, ასეთი ძველ და დიდი ისტორიის მქონე ქალაქში. არ შემიძლია, არ აღვნიშნო ირაკლი ალასანიას ძალისხმევა, რომელსაც ის იჩენს საქართველოს ნატო-სა და ევროკავშირში ინტეგრაციისთვის. იმედი მაქვს, რომ ეს ვიზიტი ჩვენს ქვეყნებს შორის აქტიური ურთიერთობების დასაწყისი იქნება. ალბანეთი ნატო-ს ერთ-ერთი უახლესი წევრია და გვსურს გავუზიაროთ საქართველოს ჩვენი გამოცდილება, თუ როგორ უნდა გახდეთ ნატო-ს სრულფასოვანი წევრი. მინდა დავაფიქსირო ჩვენი მხარდაჭერა საქართველოს ევროატლანტიკური მისწრაფებებისადმი. ნატო იყო ჩვენო ოცნება, საქართველო იმსახურებს აიხდინოს ეს ოცნება, როგორც ჩვენ გავაკეთეთ ხუთი წლის წინ”, – განაცხადა მიმი კოდელიმ.
მან აღნიშნა საქართველოს კონტრიბუციის მნიშვნელობა ნატო-ს სამხედრო ოპერაციებში.
“აუცილებელია, ბევრმა სხვა ქვეყანამ დაინახოს და დააფასოს ის წვლილი, რომელიც საქართველოს შეაქვს. ალბანეთი სრულად უჭერს მხარს საქართველოს ევროატლანტიკურ მისწრაფებებს და ჩვენ ბოლომდე თქვენს გვერდით ვიქნებით”, – განაცხადა მიმი კოდელიმ და დასძინა, რომ უალსიის სამიტზეც ალბანეთის პოზიცია ურყევი იქნება.
11.06.14
