პრემიერის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე დღეს რუსეთის საგარეო საქმეთა მინისტრის მოადგილეს გრიგორი კარასინს შეხვდება. რიგით მეშვიდე შეხვედრა ძირითადად სავაჭრო ურთიერთობების თემას შეეხება და ის პრაღაში, თბილისის დროით 12:00 საათზე დაიწყება.
„ევროკავშირთან ასოცირების ხელშეკრულება – ეს ის კონტექსტია, რასაც, რა თქმა უნდა, გვერდს ვერ ავუვლით. ჩვენი ხედვით, ასოცირების ხელშეკრულება არანაიარად არ მოდის წინააღმდეგობაში იმასთან, რომ ჩვენ ნორმალური სავაჭრო-ეკონომიკური ურთიერთობები გვქონდეს მეზობელ ქვეყნებთან, მათ შორის რუსეთთან. ჩვენ გვაქვს გარკვეული მანდატი, შეთანხმებული საკითხები განსახილველად, რომელიც უმრავლესად პრაქტიკულ თემებთანაა დაკავშირებული: სავაჭრო-ეკონომიკური ურთიერთობები, სატრანსპორტო კავშირები, ჰუმანიტარული ურთიერთობები. რომ გაფართოვდეს ჩვენი სავაჭრო-ეკონომიკური ურთიერთობები, თუ არსებობს ბარიერი, ისიც უნდა მოიხსნას“,-აცხადებს ზურაბ აბაშიძე.
09.07.14
