ალიევი-სარგსიანი-პუტინის სამმხრივი შეხვედრა მთიანი ყარაბაღის პრობლემის დასარეგულირებლად დღეს, სოჭში, რუსეთის პრეზიდენტის სოჭის რეზიდენციაში “ბოჩაროვ რუჩეიში” იმართება.
ლიდერებს შორის მოლაპარაკებები მთიან ყარაბაღში მოვლენების დაძაბულობის ფონზე მიმდინარეობდა, სადაც ბოლო რამდენიმე დღეა საპასუხო სროლის შედეგად ორივე მხრიდან არის მსხვერპლი, ამის სესახებ ბიბისი იუწყება.
გუშინ, სერჟ სარგსიანმა და ილჰამ ალიევმა, პუტინთან ცალ-ცალკე შეხვედრა გამართეს.
როგორც ალიევმა განაცხადა, კონფლიქტი მთიან ყარაბაღში ძალიან გაჭიანურდა და აუცილებელია მისი გადაწყვეტა. სარგსიანმა კი, აზერბაიჯანული მხარე სიტუაციის მიზანმიმართულ ესკალაციაში დაადანაშაულა.
“უნდა გამოვიჩინოთ მოთმინება, სიბრძნე, ერთმანეთისადმი პატივისცემა იმისთვის, რომ ვიპოვოთ გამოსავალი, რადგან იმაზე დიდი ტრაგედია არ არსებობს, ვიდრე ადამიანთა სიკვდილია”, – განაცხადა ვლადიმერ პუტინმა.
რუსეთის პრეზიდენტის თქმით, კონფლიქტი, ჯერ კიდევ, საბჭოთა კავშირის დაშლისას წარმოიშვა.
“რა თქმა უნდა, ნებისმიერი რთული სიტუაციები შეიძლება გადაწყდეს თუკი ამისთვის კეთილი ნება არსებობს; ასეთი კეთილი ნება სომხეთის და აზერბაიჯანს ხალხს შორის არსებობს”, – განაცხადა პუტინმა.
10.07.14
