საქართველოს კულტურისა და ძეგლთა დაცვის სამინისტროს მხარდაჭერითა და რეჟისორ თემურ ჩხეიძის ინიციატივით, დღეიდან თანამედროვე თეატრალური ხელოვნების განვითარების ცენტრი იწყებს ფუნქციონირებას.
როგორც “თბილისი თაიმსს” კულტურის სამინისტროდან აცნობეს, ცენტრს თავად რეჟისორი უხელმძღვანელებს.
მათივე ინფორმაციით, ცენტრი სახელოსნოს პრინციპით იმუშავებს – თეატრის რეჟისორები, დრამატურგები და თეატრმცოდნეები ორი სასწავლო წლის განმავლობაში, სამეფო უბნის თეატრის ბაზაზე თავიანთ პროფესიულ უნარებს სრულყოფენ და შესაბამისი სპეციალობების თეორიულ და პრაქტიკულ ასპექტებს დაეუფლებიან.
ცენტრის მიზანია ქართული სასცენო ხელოვნების განვითარება, საერთაშორისო ტენდენციების გაცნობა, თეატრის ახალგაზრდა სპეციალისტთა დაოსტატება და მაღალმხატვრული თეატრალური პროდუქციის შექმნა. სასწავლო პროცესი უშუალოდ თემურ ჩხეიძის ხელმძღვანელობით წარიმართება.
სახელოსნოში სწავლას 9 სტუდენტი იწყებს, რომლებიც კონკურსის წესით შეირჩნენ. კურსი მოიცავს 2 სასწავლო წელს. სახელოსნოში სწავლა უფასოა.
07.10.14
