გრძელდება საქართველოს ფინანსთა მინისტრის, ნოდარ ხადურის სამუშაო ვიზიტი ინდოეთის რესპუბლიკაში, სადაც ფინანსთა მინისტრი მონაწილეობს აზიისგანვითარების ბანკის (ADB) მმართველთა საბჭოსყოველწლიურ, რიგით 46-ე შეკრებაში.
სამინისტროს ინფორმაციით, როგორც ADB-ს მმართველთა საბჭოს თავმჯდომარის მოადგილე, საქართველოს ფინანსთა მინისტრი ნოდარ ხადური გაუძღვა ერთ-ერთ პლენარულ სხდომას და გამოვიდა სიტყვით.
ვიზიტის ფარგლებში შედგა ორმხრივი შეხვედრებიუმაღლეს დონეზე. ფინანსთა მინისტრი ნოდარ ხადური შეხვდა იაპონიის საერთაშორისო თანამშრომლობის სააგენტოს (JICA) ვიცე-პრეზიდენტს კიოში კოდერას (Mr. Kiyoshi Kodera); აზიის განვითარების ბანკის ცენტრალური და დასავლეთ აზიის დეპარტამენტის გენერალურ დირექტორს კლაუს გერჰაუზერს (Klaus Gerhaeusser) და ყირგიზეთის ფინანსთა მინისტრს ოლგა ლავროვას. შეხვედრებზე განიხილეს ორმხრივი თანამშრომლობის საკითხები.
06.05.13
