რუსეთმა უკრაინის ორ რეგიონში – დონეცკსა და ლუგანსკში ჩატარებული ე.წ.არჩევნები აღიარა. ამის შესახებ რუსეთის საგარეო საქმეთა სამინისტროს განცხადებაშია ნათქვამი.
“არჩევნები დონეცსა და ლუგანსკში ორგანიზებულად, ამომრჩეველთა მაღალი აქტივობით ჩატარდა. ჩვენ პატივს ვცემთ სამხრეთ-აღმოსავლეთის მოსახლეობის ნებას. არჩეულმა წარმომადგენლებმა მიიღეს მანდატი იმისა, რომ პრაქტიკაში განახორციელონ ამ რეგიონებში ნორმალური ცხოვრების აღდგენა”, – ნათქვამია რუსეთის საგარეო საქმეთა სამინისტროს განცხადებაში, რომელშიც ასევე, აღნიშნულია უკრაინის ხელისუფლებასა და დონბასის “წარმომადგენლებს” შორის დიალოგის აუცილებლობა.
დონეცკისა და ლუგანსკის ოლქებში ე.წ. არჩევნები გუშინ ჩატარდა. სეპარატისტები “რესპუბლიკის მეთაურსა” და “უმაღლესი საბჭოს დეპუტატებს” ირჩევდნენ. ამ დროისთვის არსებული ინფორმაციით, დონეცკის ე.წ. სახალხო რესპუბლიკის ლიდერმა ალექსანდრე ზახარჩენკომ ე.წ.არჩევნებში მონაწილეთა ხმების 81% მიიღო, ლუგანსკის სეპარატისტმა მმართველმა იგორ პლონიცკმა კი – 63%.
ამავდროულად, უკრაინის უშიშროების სამსახურმა სისხლის სამართლის საქმე აღძრა ტერორისტების მიერ დონეცკსა და ლუგანსკში არალეგიტიმური არჩევნების ჩატარების გამო.
03.11.14
