პირველად შეიქმნა განათლების განვითარების გრძელვადიანი ხედვა, ამის შესახებ საქართველოს პრემიერ-მინისტრმა ირაკლი ღარიბაშვილმა განათლების სფეროს განვითარების გეგმის პრეზენტაციაზე სიტყვით გამოსვლისას განაცხადა.
„დღევანდელი კონფერენცია ეძღვნება ჩვენი ქვეყნის უმნიშვნელოვანეს სფეროს – განათლებას, რომელიც ჩვენს ხელისუფლებას მთავარ პრიორიტეტად აქვს გამოცხადებული. დღეს ჩვენ განსახილველად გამოგვაქვს განათლებისა და მეცნიერების სამინისტროს მიერ შემუშავებული განათლების სისტემის განვითარების გეგმა. მინდა გითხრათ, რომ პირველად შეიქმნა განათლების განვითარების გრძელვადიანი ხედვა, რომელიც მოიცავს განათლების ყველა კომპონენტს, იქნება ეს სკოლამდელი, ზოგადი, პროფესიული და უმაღლესი განათლება. მეცნიერების განვითარებასა და სწავლის უზრუნველყოფას მოხმარდება ეს ყოველივე“, – აღნიშნა მან.
