რომელი მინერალური წყლის მოხმარებას ანიჭებთ უპირატესობას? – „თბილისი თაიმსის“ გამოკითხვის შედეგები

საინფორმაციო სააგენტო ,,თბილისი თაიმსი“ მკითხველს ინტენსიურად სთავაზობს გამოკითხვებს სხვადასხვა მნიშვნელოვან და აქტუალურ თემაზე, რაც მიზნად ისახავს მოქალაქეთა ჩართულობას ქვეყანაში არსებული თემების განხილვაში და სხვადასხვა საკითხზე საერთო აზრს აცნობს საზოგადოებას.

ჩვენი ქვეყანა მდიდარია წყლის რესურსებით. გამოდინებული წყლის რაოდენობა 1კვ/კმ-ზე 820 000ტ. შეადგენს, რაც  2,5 ჯერ მეტია მსოფლიო საშუალო რაოდენობასთან შედარებით. მცირე ტერიტორიაზე აღრიცხულია და ნაწილობრივ შესწავლილია 1000-ზე მეტი უაღრესად მრავალნაირი მინერალური წყარო. საინფორმაციო სააგენტო „თბილისი თაიმსი“ დაინტერესდა თუ მოსახლეობა რომელი მინერალური წყლის მოხმარებას ანიჭებს უპირატესობას. გამოკითხვიაში  სულ 380–მა ადამიანმა მიიღო მონაწილეობა, შედეგები კი საინტერესოდ გადანაწილდა.

პირველ პოზიციას იკავებს მინარალური წყალი – ”ნაბეღლავი”.  მისი მწარმოებელი კომპანია ”წყალი მარგებელი” (“HEALTHY WATER” ) 1997 წელს დაარსდა. „ნაბეღლავმა“ გამოკითხული მოსახლეობის – 47%-ი (177 ხმა) დაიმსახურა

მეორე ადგილს იკავებს – „ლიკანი“. მისი მწარმოებელია კომპანიაა – „IDS ბორჯომი საქართველო.“ კომპანია 1995 წლიდან ოპერირებს და ქართული ბაზარზე. იგი პირველად ბაზარზე „ბორჯომის“ წარმოებით გამოჩნდა. მხოლოდ, შემდეგ  2007 წელს კომპანიამ წარმოებაში მინერალური წყალი „ლიკანი“ ჩაუშვა, თუმცა როგორც ვხედავთ „ლიკანმა“ მალე შეძლო ადგილობრივ ბაზარზე თავის დამკვიდრება. მას მომხმარებელთა 21%-მა (77ხმა) მიანიჭა უპირატესობა.

მესამე პოზიციას კი მინერალური წყალი – „ბორჯომი“ იკავებს. მინერალური წყლის „ბორჯომის” ისტორია თითქმის 2000 წელიწადს ითვლის.  როგორც ზემოთ აღვნიშნეთ 1995 წელს შეიქმნა “Georgian Glass & Mineral Water Co. N. V.”, დღევანდელი IDS ბორჯომი საქართველო,  რომელმაც განაახლა „ბორჯომის“ წარმოება. დღეს, ბუნების ამ ძვირფას საჩუქარს მსოფლიოს 40 ქვეყანაში იცნობენ. „ბორჯომმა“გამოკითხული მოსახლეობის 20% (73 ხმა) დაიმსახურა.

მეოთხე ადგილს – „საირმე“ იკავებს. კომპანია “საირმე მინერალ ვოთერსმა”- 2006 წელს მიიღო ოფიციალური, სახელმწიფოს მიერ აღიარებული ლიცენზია და გახდა საირმის კურორტზე ჩამოსხმული მინერალური წყლის ერთადერთი ავტორიზებული მწარმოებელი. „საირმეს“ მომხმარებელთა 7%-მა (27 ხმა) მიანიჭა უპირატესობა.

ბოლო, მეხუთე პოზიციას კი „მიტარბი“ იკავებს. რაც გასაკვირი არ არის, რადგან „მიტარბი“ სულ ახლახანს გამოჩნდა ქართულ ბაზარზე. კომპანია IDS ბორჯომმა საქართველო ბრენდების პორტფელის გაფართოება გადაწვიტა და ახალი მინერალური წყლის „მიტარბის“ ჩამოსხმას დაიწყო. მოსახლეობის 5%-ი (20 ხმა) მიტარბის მომხმარებელია.

02.12.14

ანო მუქათარიძე