“ყველაზე მეტი თანხა მილიონ 71 000 ბავშვთა და მოხუცთა დაცვის მიმართულებით დაიხარჯა სასამართლო რეფორმის დასახმარებლად კი პრეზიდენტის სარეზერვო ფონდიდან 740 000 ლარი გამოიყო,” – ამის შესახებ სარეზერვო ფონდის წლიური ანგარიშის წარდგენისას პრეზიდენტის ადმინისტრაციის უფროსმა დავით პატარაიამ განაცხადა.
მისი თქმით, 450 000 ლარი კი, კულტურული მრავალფეროვნების განვითარებას მოხმარდა. პრეზიდენტის ადმინისტრაციის უფროსის დავით პატარაიას განცხადებით, გასულ წელს, პირველად მოხდა ფონდის სტრუქტურიზება და პრიორიტეტების განსაზღვრა, რომლის მიხედვითაც სხვადასხვა პროექტები ფინანსდება.
დავით პატარაიას განმარტებით, პრიორიტეტული გახდა ის პროექტები, რომლებიც ხელს უწყობს, სახელწმიფოს დემოკრატიული ფასეულობებისა და სახელმწიფოებრივი ინსტიტუტების განვითარებას და მიმართულია სოციალური ფონის გასაუმჯობესებლად.
2014 წელს, პრეზიდენტის სარეზერვო ფონდიდან განათლების, მეცნიერებისა და ახალგაზრდების წახალისების მიმართულებით სამასათიათასი ლარი დაიხარჯა. პროექტ “წიგნი ყველა სოფლის ბიბლიოთეკაში” 614 მონაწილისთვის კი 314615 ლარი გამოიყო.
პრეზიდენტის სარეზერვო ფონდიდა დაფინანსდა ასევე აფხაზეთის ვირტუალური არქივი. აღნიშნული პროექტის ფარგლებში აფხაზეთის შესახებ 5000-ზე მეტი ფოტო, აუდიო, ვიდეო და წერილობითი მასალების ციფრული ვერსიები შეიქმნება და ონლაინ სივრცეში განთავსდება.
ბავშვთა დაცვის მიმართულებით, პრეზიდენტის სარეზერვო ფონდიდან 924 000 დაიხარჯა, ფულადი დახმარება კი 1123 სოციალურად დაუცველ ოჯახურ, მზრუნველობამოკლებულ, მიუსაფარ და მძიმე ავადმყოფ ბავშვს გაეწია.
2014 წელს, პრეზიდენტის სარეზერვო ფონდიდან 86 500 ლარი გამოიყო შეწყალებულ მსჯარდებულთა რეაბილიტაციისთვის. ფონდიდან გარკვეული თანხა მოხმარდა საქართველოს ევროატლანტიკური ინტეგრაციის პროცესების ხელშეწყობას.
როგორც პრეზიდენტის ადმინისტრაციის უფროსმა განაცხადა, 2014 წელს, სარეზერვო ფონდის ხარჯვითი ნაწილის საჯაროდ განხილვა ადმინისტრაციის საქმიანობის საჯაროობისა და გამჭვირვალობის გაზრდას ისახავს მიზნად.
საქართველოს პრეზიდენტი სარეზერვო ფონდის საშუალებით მნიშვნელოვანი და საინტერესო პროექტების დაფინანსებას და გამოკვეთილი მიმართულებებით პროექტების დაფინანსებას 2015 წელსაც გააგრძელებს.
22.01.15
