მსოფლიო ეკონომიკური ფორუმის ფარგლებში, საქართველოს დელეგაცია წამყვან კომპანიებთან შეხვედრებს განაგრძობს.
როგორც “თბილისი თაიმსს” საქართველოს მთავრობის ადმინისტრაციიდან აცნობეს, დღეს შეხვედრა გაიმართა ინდურ კომპანია Jindal Steel and Power-ის თავმჯდომარესთან. ქართულმა მხარემ კომპანიის წარმომადგენლებს საქართველოში არსებული ბიზნეს-გარემო გააცნო.
როგორც ადმინისტრაციაში აცხადებენ, შეხვედრის დასრულების შემდეგ Jindal Steel and Power-ის თავმჯდომარემ, ნავინ ჯილნდალსმა განაცხადა, რომ საქართველოს პრემიერ-მინისტრთან ძალიან პროდუქტიული შეხვედრა ჰქონდა და დარწმუნებულია, რომ საქართველოსთან თანამშრომლობა კიდევ უფრო გაღრმავდება.
ადმინისტრაციის ინფორმაციით, ენერგიის და ფოლადის მწარმოებელი ინდური კომპანია Jindal Steel and Power აფრიკაში, ავსტრალიაში, ინდონეზიასა და ახლო აღმოსავლეთში საქმიანობს. 2014 წლის მდგომარეობით, კომპანიის შემოსავალმა 3.2 მილიარდ დოლარს მიაღწია და 15 ათასამდე ადამიანი ჰყავს დასაქმებული.
23.01.15
