2014 წლამდე საქართველოში არ არსებობდა ორგანო, რომელიც რელიგიის საკითხებზე იმუშავებდა. საქართველოს პრემიერ მინისტრ – ირაკლი ღარიბაშვილის ინიციატივით, 2014 წლის მაისში „რელიგიის საკითხთა სახელმწიფო სააგენტო“ შეიქმნა. სააგენტო ახალია და იგი ბევრ საინტერესო პროექტს გეგმავს.
სასტუმრო „ქორთიარდ მერიოტში“, რელიგიისსახელმწიფო სააგენტომ 2014 წელს გაწეული საქმიანობისა და საქართველოს სახელმწიფოს რელიგიური პოლიტიკის განვითარების სტრატეგიის პრეზენტაცია გამართა. ღონისძიებაზე მოწვეულნი იყვნენ საქართველოში არსებული რელიგიური ორგანიზაციები, დიპლომატიური კორპუსისა და საქართველოს მთავრობის წარმომადგენლები. რელიგიის სააგენტოს თავმჯდომარე – ზაზა ვაშაყმაძემ სტუმრებს გასული წლის საქმიანონბის ანგარიში წარუდგინა, გააცნო სააგენტოს მისია და მომავალი გეგმები.
ზაზა ვაშაყმაძე: „სააგენტო სახელმწიფო სეგმენტთან არის დაკავშირებული. აქამდე არ არსებობდა სახელმწიფოში რელიგიებთა საკითხების დარეგულირების კანონი. ამიათვის არანაირი სამართლებრივი ბაზა არ არსებობდა. ევროპის ყველა სახელმწიფოში არსებობს ინსტიტუტი, რომელიც არეგულირებს რელიგიურ საკითხებს. საბედნიეროდ ამ მხრივ საქართველომ თავისი ნაბიჯები გადადგა. მიუხედავად იმისა, რომ საქართველოში 84% -ი მართლმადიდებელი ქრისტიანია, ქვეყანაში არსებობს სხვა რელიგიებიც, რომლებიც ტოლერანტობის პრინციპის თანახმად ისარგებლებენ რიგი უფლებებით და მოვალეობებით. ჩვენი მისიაა თანასწორობა საქართველოში რელიგიებს შორის, რომელიც იქნება ამ მხრივ სახალმწიფოსში მშვიდობის გარანტი. რელიგიებსა და სახელმწიფოს შორის უნდა მოხდეს ნდობის აღდგენა და ურთიერთთანამშრომლობა“ – განაცხადა ვაშაყმაძემ
როგორც პრეზენტაციაზე ითქვა, რელიგიის სააგენტო საქართველოში არსებულ რელიგიურ ორგანიზაზიებს გადასცემს ფულად ანაზღაურებას საბჭოთა კავშირის დროს მიღებული ზარალის გამო. რელიგიურ ორგანიზაციებს კონკრეტული თანხა სამი კრიტერიუმის გათვალისწინებით გადაეცემა. გათვალისწინებული იქნება: რელიგიური ნაგებობები, მრევლის რაოდენობა, სასულიერო პირთა რაოდენობა.
აღნიშნულ განცხადებას რელიგიათა წარმომადგენლები დადებითად შეხვდნენ. მუსლიმთა თემის წარმომადგენელმა ამ განცხადებას მადლობით უპასუხა და დასძინა, რომ აქამდე მათ არ ჰქონდათ საშუალება მეჩეთში ჰქონოდათ დენი და გაზი.
ზაზა ვაშაყმაძის თქმით, ახლომომავალში იგეგმება ბათუმში მეჩეთის რესტავრაცია.
„როგორც ოდითგან ცნობილია და რითიც ჩვენი ქვეყანა ამაყობს ეს ქართული შემწყნარებლობაა რელიგათა მიმართ. მაგრამ ამასთან აუცილებელია რიგი გეგეგმების განხორციელება, რათა დაინერგოს ქვეყანაში რელიგიათა უფლებათა შეგნმება. სკოლებში იგეგმება სწავლება რელიგიათა მიმართ ტოლერანტობის საკითხებზე. ამ მხრივ სააგენტო იმუშავებს პატიმრებთანაც, რათა არ მოხდეს პატიმერებს შორის რელიგიური დაპირისპირებები. ვინაიდან ყველასთვის გასაგებია რა მნიშვნელოვანი და ხელშეუხებელია რწმენა ადამიანში,“ – აღნიშნა ზაზა ვაშაყმაძემ.
პრეზენტაციაზე ასევე ითქვა, რომ რელიგიის სააგენტო გეგმავს მედია საბჭოს შექმნას, სადაც ჟურნალისტებს დაასაქმებენ. ისინი რიგ საკითხებში მრჩევლის ფუნქციასაც შეასრულებენ.
ღონისძიებაძე მოწვეული დიპლომატიური კორპუსი დადებითად შეხვდა რელიგიის სააგენტოს ჩამოყალიბებას და იმედოვნებენ, რომ სააგენტო თავის მოვალეობას ღირსეულად გაართმევს თავს.
თამარ გვირჯიშვილი
