საქართველოს ფინანსთა მინისტრი ნოდარ ხადური შეხვდა ყაზახეთის რესპუბლიკის ფინანსთა მინისტრს ბოლატ ჟამიშევს.
ფინანსთა უწყების ცნობით, შეხვედრაზე მხარეებმა განიხილეს ყაზახეთის რესპუბლიკის მიმართ საქართველოს სახელმწიფო ვალის დაფარვასა და სს “ყაზტრანსგაზ-თბილისი”-ს მმართველობასთან დაკავშირებული საკითხები.
როგორც შეხვედრაზე აღინიშნა, ორ ქვეყანას შორის მეგობრული ურთიერთობების კიდევ უფრო ინტენსიურად გაღრმავების კუთხით მნიშნელოვანია აღნიშნული საკითების მოგვარება. მიღწეული შეთანხმდებით, ამავე თემაზე უახლოეს მომავალში კვლავ განახლდება მოლაპარაკებები, მხარეთა მიერ საბოლოო გადაწყვეტილებების მისაღებად.
შეხვედრას ასევე ესწრებოდა ეკონომიკის და მდგრადი განვითარების მინისტრის მოადგილე მიხეილ ჯანელიძე.
23.05.13
