ფინანსთა სამინისტროს საგამოძიებო სამსახურის ინფორმაციით, კურბანალ კარაევმა ერთ-ერთი საწარმოს დირექტორს ქრთამის სახით 4 000 ლარი მოსთხოვა.
“გამოძიებით დადგენილია, რომ ლისის ტერიტორიულ ორგანოში მცხეთის მუნიციპალიტეტის გამგებლის წარმომადგენელმა კურბანალ კარაევმა სოფელ ნაფეტვრების ტერიტორიაზე განთავსებული სამშენებლო ნარჩენების უკანონოდ მოწყობილ ნაგავსაყრელზე, სამშენებლო ნარჩენების გადაყრის უფლებისა და შემდგომში მფარველობისა და საჯარიმო სანქციისგან არიდების სანაცვლოდ, ერთ-ერთი საწარმოს დირექტორს ქრთამის სახით 4 000 ლარი მოსთხოვა.
საგამოძიებო სამსახურმა ბრალდებული ქრთამის აღების ფაქტზე დააკავა.
დანაშაულებრივ ფაქტზე გამოძიება საქართველოს სისხლის სამართლის კოდექსის 338-ე მუხლის პირველი ნაწილით გრძელდება, რაც თავისუფლების 6-დან 9 წლამდე ვადით აღკვეთას ითვალისწინებს”, – აღნიშნულია ფინანსთა სამინისტროს საგამოძიებო სამსახურის განცხადებაში.
