საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ბოლნისის მუნიციპალიტეტში პეტრე-პავლეს სახელობის მონასტერთან მისასვლელი გზის 1,5 კმ-იან მონაკვეთზე ქვაფენილი დააგო. ელიას მთაზე, მონასტრის მშენებლობა 7 წლის წინ დაიწყო, მაგრამ მონასტრამდე მისასვლელი გზა ძალიან მძიმე მდგომარეობაში იყო. პროექტის ღირებულება 312.456 ლარია და ის სახელმწიფო ბიუჯეტიდან დაფინანსდა. ახლად დაგებული გზა საქართველოს მუნიციპალური განვითარების ფონდის აღმასრულებელმა დირექტორმა ილია დარჩიაშვილმა ქვემო ქართლის გუბერნატორ პაატა ხიზანაშვილთან და ბოლნისის მუნიციპალიტეტის გამგებელ გოგი მეშველიანთან ერთად გახსნა და მშენებლობის ხარისხი შეამოწმა. რეაბილიტირებული გზის სიგრძე 1,5 კმ-ია, ხოლო სიგანე კი- 3,5 მეტრი. გზის მთელ სიგრძეზე ორივე მხრიდან მოეწყო გვერდულები. 1,5 კმ-იანი გზის დასაწყისის 25 მეტრზე ვიდრე ქვაფენილიანი გზა დაიწყება, გაკეთდა ბეტონის საფარი, მშენებლობაზე 30 ადამიანი დასაქმდა და მათი ძირითადი ნაწილი ადგილობრივი მოსახლე იყო. ფონდის მიერ განხორციელებული პროექტის შედეგად მსურველებს პეტრე-პავლეს სახელობის მონასტრამდე გადაადგილება ახალი და უსაფრთხო გზით შეუძლიათ.
