ფრანგული სატირული გაზეთის – “შარლი ებდოს” მთავარმა კარიკატურისტმა რენალდ ლუზემ თანამდებობა დატოვა. ლუზეს განცხადებით, ტერაქტის შემდეგ მას იმავე გუნდში დარჩენა და მუშაობა გაუჭირდა, რადგან მისი მეგობრები აღარ არიან. ლუზემ ჯერ კიდევ აპრილში განაცხადა, რომ ის მუჰამედ წინასწარმეტყველის კარიკატურებს აღარ დახატავდა. “შარლი ებდოს” გამოცემაზე თავდასხმა იანვარში განხორციელდა, რომლის დროსაც 12 ადამიანი გარდაიცვალა.
