სოფლის მეურნეობის სამინისტროს ოცამდე სამელიორაციო სპეცტექნიკა მობილიზებულია და აწარმოებს გაწმენდით სამუშაოებს გმირთა მოედნისა და მზიურის მიმდებარე ტერიტორიაზე.
აღნიშნული ინფორმაცია გმირთა მოედანზე შეკრებილ ჟურნალისტებს სოფლის მეურნეობის მინისტრმა, ოთარ დანელიამ მიაწოდა. მინისტრი ადგილზე გაეცნო სტიქიის შედეგების სალიკვიდაციო სამუშაოების მიმდინარეობას.
მისი თქმით, მობილიზებულია ადამიანური რესურსიც.
„საჭიროების შემთხვევაში სამინისტრო მზად არის რეგიონებიდან ჩამოიყვანოს დამატებითი ტექნიკა, რათა დაჩქარებული ტემპით მოხდეს დაზიანებული ტერიტორიის დასუფთავება“, – ახცადებს სოფლის მეურნეობის მინისტრი.
ოთარ დანელიამ გარდაცვლილების ოჯახებს მიუსამძიმრა. „ამ ეტაპზე მთავარ პრიორიტეტად რჩება დაკარგული ადამიანების ძებნა და დაზარალებული მოსახლეობისათვის დახმარების აღმოჩენა“, – განაცხადა ოთარ დანელიამ.
