საქართველოს კულტურისა და ძეგლთა დაცვის სამინისტრო ღრმა მწუხარებას გამოთქვამს და უსამძიმრებს სტიქიის შედეგად დაღუპულთა ოჯახებს.
როგორც უწყების განცხადებაშია ნათქვამი, მომხდარის გამო სამინისტროს მიერ დღეს დაგეგმილი ყველა ღონისძიება გადაიდო.
“ომარ მხეიძისადმი მიძღვნილი კონცერტი გაიმართება 17 ივნისს თბილისის საკონცერტო დარბაზში, ხოლო ჯანსუღ კახიძის სახელობის თბილისის მუსიკალურ ცენტრში ანსამბლ “მძლევარის” 20 წლისთავისადმი მიძღვნილი საიუბილეო კონცერტი 25 ივნისს 19:00 საათზე შედგება. აღნიშნულ ღონისძიებებზე შეძენილი ბილეთები ძალაშია”, – აცხადებენ სამინისტროში.