თბილისის საკრებულოში წარმომადგენლობითი ორგანოს დეპუტატთა მიერ იარაღის ტარების უფლების საკითხის განხილვა არ ყოფილა , – ამის შესახებ თბილისის საკრებულოს მიერ გავრცელებულ განცხადებაშია ნათქვამი.
“თბილისის მუნიციპალიტეტის საკრებულოში წარმომადგენლობითი ორგანოს დეპუტატთა მიერ იარაღის ტარების უფლების საკითხის განხილვა არ ყოფილა.
ამასთან დაკავშირებით, ოფიციალური წერილი არც საკრებულოს თავმჯდომარის, გიორგი ალიბეგაშვილის სახელზე და არც საკრებულოს კანცელარიაში შესულა”, – ნათქვამია დედაქალაქის მიერ გავრცელებულ განცხადებაში.
სოციალურ ქსელში გავრცელდა პროექტი, სადაც თბილისის საკრებულოს დეპუტატები პარლამეტის დეპუტატების მსგავსად იარაღის ტარების უფლებას ითხოვენ. მას ხელს აწერენ თედო კობახიძე, თამარ ტალიაშვილი და დეპუტატები.
