სრულიად საქართველოს საპატრიარქოს განცხადებას ავრცელებს, რომ კვირას 21 ივნისს სრულიად საქართველოს კათოლიკოს-პატრიარქი 13 ივნისის სტიქიით დაზარალებულებს შეხვდება. განცხადებას უცვლელად გთავაზობთ:
“კვირას, 21 ივნისს, საქართველოს საპატრიარქოს ახალგაზრდული მოძრაობა „დავითიანნი“ ქ. თბილისის მუნიციპალიტეტის საკრებულოსთან ერთად გეგმავს სტიქიით დაზარებული ოჯახების ბავშვების ფსიქოლოგიური რეაბილიტაციის ერთ დღიან პროგრამას საქართველოს საპატრიარქოს კუთვნილ კრწანისის ტყე-პარკის ტერიტორიაზე (რუსთავის გზატკეცილი).
ღონისძიება დაიწყება 15:00 სთ-ზე და დამთავრდება 20:00 სთ-ზე. დაგეგმილია საჩუქრების გადაცემა, სხვადასხვა შემეცნებითი და გასართობი პროგრამების ორგანიზება, ასევე საუბრები მოძღვრებთან და ფსიქოლოგებთან.
სრულიად საქართველოს კათოლიკოს–პატრიარქი ილია II-ე 19:00 სთ-ზე მიბრძანდება ტყე-პარკში, გადაიხდის პარაკლის და დალოცავს ბავშვებს.
ღონისძიების მხარდამჭერები: ბარამბო, გუდვილი, M-GROUP, გასართობი ცენტრი- „ქართული ანიმაციური ჯგუფი, „ჰარიბო“, hello kitty, ბორჯობი, ფ/პ თეა გოცაძე, დავითიანნის ფსიქოლოგიის ცენტრი, ინტელექტუალური კლუბი „წიგნის მეგობრები“.
საკონტაქტო ტელ:
599 74 35 47
598 98 97 07″
The Tbilisi Times
