ლალი დანილუკის სახელი საქართველოში ყველა ხელოვანმა ადამიანმა იცის. მას “ფერთა დედოფალსაც” ეძახიან. ლალის ნიჭიერებაზე მსოფლიოს სხვადასხვა გალერეის ექსპერტ-შემფასებლებსაც ბევრი უსაუბრიათ. ყველა ერთხმად აღიარებს მის ნიჭიერებას როგორც მოსკოვში, ისე ევროპის ქალაქებსა და ახლა უკვე ამერიკაში აგრძელებს ლალი თავის კარიერას. ის ამჟამად ნიუ-იორკში ცხოვრობს და მოღვაწეობს. როგორც აცხადებს მისთვის ყველაზე ბედნიერი პერიოდი დგება მაშინ, როდესაც ის იწყებს ხატვას.
როგორც ლალიმ The Tbilisi Times საუბარში განაცხადა ის ძალიან წუხს 13 ივნისს თბილისში მომხდარი ტრაგედიის გამო, რომ ვერ მოახერხა ამ ეტაპზე თბილისში ჩამოსვლა, მის ახლობლებთან და მეგობრებთან ერთად ვერ იყო თბილისში, გვერდში ვერ დაუდგა მეგობრებს. თუმცა, ლალიმ თავისი ეს წუხილი და ტკივილი მისი ნიჭიერებით ტილოზე გადაიტანა და 13 ივნისის მოვლენებს საკუთარი ნახატების სერიით ეხმაურება. “ჯერჯერობით სამი ნამუშევარი მაქვს. სექტემბრამდე ვაპირებ კიდევ შევმატო ამ სერიას რამოდენიმე. ძალიან მძიმე დღეები გადავიტანეთ ცოტა ხნის წინ. აქაც ისე განვიცდიდით ჩვენ, როგორც მაქ. ვუთანაგრძნობ ყველა გარდაცვლილის ოჯახს. ვფიქრობ, მალე დამთავრდება ეს ყველაფერი, გაივლის ყველა პრობლემა. ძალიან მინდა რომ ახალგაზრდებს ჰქონდეთ ასპარეზი. ხელოვანებმა აუცილებელია, რომ შეძლონ საკუთარი ნიჭის რეალიზება. მე რითიც შევძლებ გვერდში დავუდგები. ახლა კი ამ დიდ ტკივილს ჩემი შემოქმედებით ვეხმიანები. “-აცხადებს ჩვენთან საუბარში ლალი დანილუკი.
The Tbilisi Times ექსკლუზიურად გთავაზობთ ნახატებს და უახლოეს მომავალში, როგორც ლალიმ დაგვპირდა, მის წარმატებებზე და ახალ მიღწევებზე ექსკლუზიურ ინტერვიუსაც მოგვცემს.
The Tbilisi Times
