რუმინეთის პრემიერ-მინისტრმა ვიქტორ პონტამ და მთავრობამ გადადგომის შესახებ განაცხადა, იმ საპროტესტო ტალღის ფონზე, რაც ღამის კლუბში ხანძრისას 30 ადამიანის დაღუპვის შემდეგ წარმოიქმნა.
პონტა პოსტზე მანამდე დარჩება, სანამ ახალი მთავრობის ფორმირება არ მოხდება.
„ჩემს მანდატს ვაბარებ, მე გადავდექი და ჩემი მთავრობაც გადადგა. მე ვალდებული ვარ, მხედველობაში მივიღო ის ლეგიტიმური საჩივრები, რაც საზოგადოებაში არსებობს. ვიმედოვნებ, ჩემი და ჩემი მთავრობის მიერ მანდატის დატოვება, პროტესტის მონაწილეთა მოთხოვნებს დააკმაყოფილებს“, – ნათქვამია მის განცხადებაში.
ცნობისთვის, ბუქარესტის ქუჩებში 20 ათასამდე მოქალაქემ პრემიერის, შინაგან საქმეთა მინისტრის და მერის გადადგომა მოითხოვა. ღამის კლუბ Colectiv-ში ხანძარი კონცერტის მსვლელობისას გაჩნდა, რომლის შედეგადაც დაიღუპა 32 და დაშავდა 130 ადამიანი.
