საქართველო მომავალ წელს მსოფლიოს საოჯახო მე-10 კონგრესს უმასპინძლებს. მსოფლიოს საოჯახო კონგრესი, მსოფლიოს უმსხვილესი საერთაშორისო ორგანიზაციაა, რომელიც აერთიანებს 80 ქვეყნის 200-ზე მეტ ოჯახური ღირებულებების დამცველ ორგანიზაციასა და ასოციაციას.
წელს ამერიკის შეერთებულ შტატებში, იუტას შტატის დედაქალაქ სოლტ ლეიკ სიტიში გამართულ მე-9 საოჯახო კონგრესზე ჩვენმა ქვეყანამ გამარჯვება მოიპოვა ისეთ ქვეყნებთან კონკურენციაში როგორებიცაა – პორტუგალია და სამხრეთ აფრიკის რესპუბლიკა. კონგრესი მოიცავს – უპრეცედენტო მასშტაბს, 3000-მდე სტუმარს და ოფიციალურ შემაჯამებელ დეკლარაციას.
თუ რა მნიშვნელობა აქვს საქართველოში ამ კონგრესის ჩატარებას; რა შედეგებს შეიძლება ველოდოთ; რამდენად მნიშვნელოვანია ფსიქოლოგების ჩართულობა მსგავსი ტიპის ღონისძიებებში; ამ საკითხებზე „თბილისი თაიმსს“ ფსიქოლოგები – მარინა კაჭარავა და ნინო კერესელიძე ესაუბრნენ.
მარინა კაჭარავა: „საქართველო ტრადიციული ქვეყანაა და ქართული კულტურა ქრისტიანული და მთლიანად ოჯახზე არის ორიენტირებული. ამერიკის შეერთებულ შტატებში ვიზიტისას, ლევან ვასაძემ სწორად წარმოაჩიმა საქართველო და დიდი ბედნიერებაა, რომ მსოფლიო საოჯახო მე 10 კონგრესი თბილისში ჩატარდება. პირველ რიგში ჩვენთვის აუცილებელია იმის გაცნობიერება, რომ დასავლეთი და ამერიკა მხოლოდ ლიბერელური ღირებულებების, კერძოდ, ერთსქესიანთა ქოწინებისა თუ LGBT თემის ულებების დაცვა კი არ არის არამედ, მთელ მსოლიოში არიან ადამიანები რომლებისთვისაც ოჯახი არის წმიდა და ხელშეუხებელი.
ამ კონგრესის მონაწილენი, თავის გამოცდილებას გვიზიარებენ და გვაფრთხილებენ ყველა იმ საშიშროების შესახებ რაც არის მოსალოდნელი, რადგან მათ ეს უკვე გაიარეს.
ჩემი აზრით, მთავარი შედეგი იქნება ხალხის გამოღვიძება და სამოქალაქო საზოგადოების გააქტიურება ყველა საჭირო მიმართულებით (დემოგრაფიული, განათლების…) მნიშვნელოვანი არის, როგორც სამთავრობო ასევე არასამთავრობო სტრუქტურების და საზოგადოების სხვადასხვა ფენის და განსაკუთრებით ახალგაზრდების ჩართულობა, განსაკუთრებით ახალგაზდების.”
ნინო კერესელიძე: “მნიშვნელოვანია ამგვარ ფორუმებში ახალგაზრდების ჩართულობა და დაინტერესება, სწორედ ამიტომ „დავითიანნი“ უერთდება X-ე მსოფლიო საოჯახო კონგრესს, ჩემთვის როგორც ერთი ადამიანისთვის, მნიშვნელოვანია ოჯახის სიწმინდე, რაც რა თქმა უნდა გამოიხატება იმით, რომ ოჯახი არის ქალის და მამაკაცის ერთობა და მათ ყველაზე უკეთ შეუძლიათ ბავშვს შეუქმნან განვითარებისთვის შესაფერისი ფსიქოლოგიური გარემო. ასევე მათ ეძლევათ არჩევანის თავისუფლება რაც ძალიან მნიშვნელოვანია ბავშვისთვის.
ჩემი აზრით, ყველას აქვს თავისუფალი ნების გამოხატულების უფლება და სწორედ ამიტომაც ვთვლი, რომ ოჯახის სიწმიდე ისეთ ტრადიციულ და ქრისტიანულ ქვეყანაში როგორიც საქართველოა უნდა იყოს დაცული.“
