საქართველოს პრემიერ-მინისტრი ირაკლი ღარიბაშვილი დღეს ოფიციალური ვიზიტით სლოვაკეთის რესპუბლიკას ეწვევა.
როგორც “თბილისი თაიმსს” საქართველოს მთავრობის ადმინისტრაციის პრესსამსახურიდან აცნობეს, ვიზიტის ფარგლებში საქართველოს მთავრობის მეთაური სლოვაკეთის პრემიერ-მინისტრ რობერტ ფიცოს და ეროვნული საბჭოს სპიკერს, პეტერ პელეგრინს შეხვდება. დაგეგმილია ორი ქვეყნის პრემიერ-მინისტრების ერთობლივი პრესკონფერენცია.
ოფიციალური ვიზიტის ფარგლებში, საქართველოს მთავრობასა და სლოვაკეთის რესპუბლიკის მთავრობას შორის, გაფორმდება შემდეგი დოკუმენტები: “შეთანხმება დანაშაულთან ბრძოლაში თანამშრომლობის შესახებ”, “უნებრათვოდ მყოფი პირების რეადმისიის შესახებ საქართველოსა და ევროკავშირს შორის შეთანხმების განხორციელების პროტოკოლი”, “შეთანხმება მგზავრებისა და ტვირთის საავტომობილო გადაზიდვების შესახებ”.
საქართველოს დელეგაციის შემადგენლობაში შედიან: ვიცე-პრემიერი, საგარეო საქმეთა მინისტრი გიორგი კვირიკაშვილი, შინაგან საქმეთა მინისტრი გიორგი მღებრიშვილი და სოფლის მეურნეობის მინისტრი ოთარ დანელია.
