“ისლამურმა სახელმწიფომ” პარიზში განხორციელებულ ტერაქტებზე პასუხისმგებლობა აიღო. როგორც BBC-ი იტყობინება, დაჯგუფებამ ოფიციალური განცხადება გაავრცელა , სადაც ნათქვამია, რომ თავდასხმების მიზანი საფრანგეთისთვის იმის დემონსტრირება იყო, რომ ის კვლავ რჩება “მთავარ სამიზნედ”.
“ისლამური სახელმწიფოს” ცნობით, თავდასხმების განხორციელებამდე, მებრძოლებმა თავდასხმის ადგილები შეისწავლეს. ტერაქტები კი 8 ისლამისტმა განახორციელა, რომლებიც ე.წ. შაჰიდის ქამრებით და შაშხანებით იყვნენ შეიარაღებულნი.
ვიდეორგოლში ისლამისტი მებრძოლი მოუწოდებს საფრანგეთში მცხოვრებ მუსლიმებს, თავდასხმები განახორციელონ.
“სანამ დაბომბვებს გააგრძელებთ, მშვიდად ვერ იცხოვრებთ. ბაზარში გასვლაც კი შეგეშინდებათ”, – აცხადებს მებრძოლი.
